Matthew 12:26 - Bible Ni Thothup

²⁶ Ere fa’anra bay baraba’ e girdi’ rok Satan ni yad be cham nga baraba’ e girdi’ rok ko gin nsuwon Satan ma aram e ke muduwgil nike ruw raba’ ni dabi n’uw nap’an me kireb!

Matthew 12:26 Iomraidhean Croise

Matthew 13:19

Pi’in nrung’aged e thin rok Got ni murung’agen e gagiyeg rok ma de yag nra nanged fan e yad bod awochngin e woldug ni wear nga daken marichlen e kanawo’ u milay’. Me yib Fa’anem nib Kireb nge leag e n’en ni kan wereg nga fithik’ i lanin’rad.

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

Matthew 9:34

Machane me ga’ar e pi Farise, “En ni pilungen e mo’onyan’ e ke pi’ gelngin ni nge yag ni nge tuluf e pi mo’onyan’.”

John 12:31

Chiney e aram e kan turguy e gechig ko fayleng; chiney e bay nluf pa’ e en ni ir e be gagiyegnag e girdi’ nu fayleng.

John 14:30

Dabkiyag ni ngu’ud nonod, ya en ni be gagiyegnag e girdi’ nu roy u fayleng e be yib. Dariy gelngin ni nge gagiyeg nigeg,

John 16:11

nge rogon nma turguy Got e gechig, ya en ni be gagiyegnag e girdi’ u roy u fayleng e ke mu’ Got i duwgiliy e gechig rok.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

Kolose 1:13

Ya ayuwegdad nge chuwegdad u fithik’ i gelngin e talumor me thapegdad ko gin nsuwon e en ni Fak nib t’uf rok,

1 John 5:19

Gadad manang nib mil fadad ngak Got, ma tin ni kabay e girdi’ nu fayleng e ke suweyrad Fa’anem nib Kireb.

Revelation 12:9

Mi nin’ fare dragon nri ba ga’ nga wuru’ e tharmiy! I ir fare porchoyog nike kakrom, ni kan tunguy fithingan ni Mo’onyan’, ara Satan, ni ir fa’anem ni bannag e girdi’ nu fayleng ni polo’. Mi nin’ u lang nga daken e fayleng, nib mu’un urngin e pi engel rok ngak.

Revelation 16:10

Me pu’og fa bin lal e engel e ba’ rok e plet nga daken tagil’ fare gamanman. Me aw e lumor u daken fa gin nsuwon fare gamanman, me k’ad e girdi’ bolowthrad ni bochan e amith,

Revelation 9:11

Ma bay be’ ni ir e pilung rorad ni be yog e n’en ni ngar rin’ed, ni ir fare engel nib milfan fare abyss ngak. Ni fithingan nthin ni Hebrew e Abbadon; ma fithingan nthin ni Greek e Apollyon (ni fan e re ngachal ney e “En nma Kirebnag Ban’en”).