Matthew 12:14 - Bible Ni Thothup

¹⁴ Me chuw fapi Farise ngranod, miyad puruy’nag e n’en nra rin’ me yib tapgin ni ngar li’ed Jesus ngem’.

Matthew 12:14 Iomraidhean Croise

Matthew 26:4

miyad puruy’nag rogon ni ngan kol Jesus ni dabi nang be’ ngan li’ ngem’.

Matthew 27:1

Ma kab kadbul me puruy’nag e pi tolang ko prist nge pi’in pi’ilal rok piyu Israel e n’en ni ir e nge togopluw ngak Jesus nge yag nli’ ngem’.

Mark 14:1

Ngiyal’nem e ka l’agruw e rran me taw ko madnom ko Paluk’af nge madnom ni yira kay e flowa nda ntay e is nma thownag e flowa ngay. Ma aram mi i gay e pi tolang ko prist nge pi tamchib ko Motochiyel kanawo’en e n’en nra rin’ miyad kol Jesus ndab nnang ngar li’ed ngem’.

Mark 3:6

Ma aram me chuw fapi Farise u lan tafen e mu’ulung mranod ni ka chingiyal’ nem ngar mu’ulunggad boch e girdi’ ko ba’ rok Herod e girdi’; miyad puruy’nag e n’en nra rin’ me yib tapgin ni ngar li’ed Jesus ngem’.

Luke 22:2

Pi tolang ko prist nge pi tamchib ko Motochiyel e ur guyed rogon e n’en nra rin’ miyad li’ Jesus ngem’ nib mith; ni bochan e yad be tamdag ngak e girdi’.

Luke 6:11

Me yib e damumuw ngorad nib gel miyad tabab i puruy’nag u fithik’rad e n’en ni ngar rin’ed ngak Jesus.

John 10:31

Ma aram miki feng fapi cha’ nu Israel e malang ni ngar paged ngak.

John 10:39

Mu ku yad guy rogon bayay ni ngar koled ngar feked, machane me thay u pa’rad.

John 11:53

Ma fa picha’ nu Israel ni yad ma tay murung’agen e girdi’ nu Israel e ka chirofen nem i yan ngam’on e ur puruy’ niged rogon e n’en nra rin’ me yag nli’ Jesus ngem’.

John 11:57

Ma aram e ke wereg e pi tolang ko prist nge pi Farise e thin ni fa’anra manang be’ e gin ni bay Jesus riy ma thangri yog ngorad ngranod ra koled ngar feked.

John 5:18

Re bugithin ney ni yog e aram fan me duwgiliy e pi tolang ko Jew ni ngar thanged e fan rok; ya gathi kemus ni motochiyel ko Sabbath e ke th’ab, machane ku errogon nike yog ni Got e Chitamngin, ni aram e ke ta’reb rogonnag ir ngak Got.

John 7:30

Ma aram miyad guy rogon ni ngar koled ngar feked, machane dariy be’ ni yag ni nge rin’, ya dawori taw ko ngiyal’ nike duwgiliy Got ni ngan kol.

John 7:32

Me rung’ag fapi Farise e pi thin ney ni be kathkathnag fapi girdi’ ni aram urngirad ni murung’agen Jesus, ma aram me l’oeg fapi Farise nge pi’in nib tolang ko prist boch e girdi’en e matanag ni ngranod ra koled Jesus ngar feked.

John 7:44

Ma boch e girdi’ e ra fineyed ni ngar koled Jesus ngar feked, machane dariy ta’abe’ ni yag rok ni nge kol.

John 8:59

Miyad fek e malang ni ngar paged ngak; machane me mithag Jesus ir nge chuw u lan fare Tempel.