Matthew 11:19 - Bible Ni Thothup

¹⁹ Me yib e en ni Fak e Girdi’, mi i abich ma be garbod me ga’ar e girdi’ ni gubin, ‘Mu guyed e re mo’on ney! I ir be’ nib ta’abich mma unum e wayin, me ir e fager rok e pi’in tamukun tax nge pi’in ndabuy dakenrad ni yad ba thiyar u lan binaw!’ Machane gonop rok Got e ke gagyal nib riyul’, ko tin ke yib i m’ug riy.”

Matthew 11:19 Iomraidhean Croise

Psalms 109:20

SOMOL, mu gechignag e pi to’ogor rog ni aram rogon — pi’in yad ma yogneg nga dalib!

Proverbs 17:24

Be’ nib llowan’ e ma nameg e ngongol nib gonop, ma en nib balyang e der muduwgil e gin nge yan ngay.

Proverbs 23:21

Pi tamu’un rrum nge pi’in yad ma abich nge pag rogon e ra yib e gafgow ngorad. Fa’anra kemus ni abich nge mol e ga be tay, ma dabi n’uw nap’an ma ga chuw ko mad nike mogchothchoth.

Matthew 5:46

Ere mang ni gimed be finey nra fulweg Got labgen ngomed ni fa’anra kemus ni pi’in gimed ba t’uf rorad e yad ba t’uf romed? Ya mus ngak e pi’in yad ma kunuy e tax ma ireyer e n’en ni yad ma rin’!

Luke 14:1

Me reb e rran ni Sabbath me yan Jesus ni nge un ko abich u tafen reb e pilungen e Farise; ma ke yip’ e girdi’ owcherad ngak Jesus.

Luke 19:7

Ma urngin e girdi’ nra guyed ni aram rogon e ra tababgad ko gun’gun’ ni be lungurad, “Re mo’on ney e ke yan nga tafen be’ nib tadenen!”

Luke 7:29

Ma urngin e girdi’ nge pi tamukun tax nra motoyilgad ngak; miyad nang ni tin nike yog Got ni ngan rin’ e bmat’aw, me tawfe nagrad John.

John 2:2

ma ku errogon Jesus nge pi’in gachalpen ni ki yib e pong ngorad ni ngranod ngar uned ko re madnom ko mabgol nem.

Roma 15:2

Machane nge bagadad me yan nga laniyan’ walagen ni girdi’en Kristus ni fan ngak fa’anem, ya nge ayuweg nge gel e michan’ rok ngak Somol.

Revelation 7:12

ni be lungurad, “Amen! Sorok, nge gilbuguwan, nge gonop, nge magaer ni ngan pining, nge tayfan, nge gelngiy nib th’abi gel, nge gagiyeg e ir e bay i par rok e Got rodad ndariy n’umngin nap’an! Amen!”