Matthew 10:42 - Bible Ni Thothup

⁴² Mu ted fanmediyan ko re bugithin ney! En nra pi’ ba kap i ran ngak e en nth’abi sobut’ u fithik’ pi gachalpeg ni bochan e ir reb i gachalpeg, e ri yira pi’ puluwon ngak.”

Matthew 10:42 Iomraidhean Croise

1 Kings 17:11

Ma nap’an ni yan ni nge fek me ga’ar ngak, “Wenig ngom, ku mfek e flowa nggu way.”

2 Kings 4:10

Ngad ngongliyew reb e senggil nib achig nga daken e chigiy ko naun rodow ngad tew bang e chob ngay, nge ba tebel, nge reb e chiya, nge reb e magal, ya ngiyal’ nra ke yib ngodow ma rayag ni nge yan i par ngay.”

Proverbs 19:17

Ga ra pi’ ban’en ngak e gafgow, ma bod ni SOMOL e ka mu pi’ ngak, ra sulweg SOMOL puluwon ngom.

Proverbs 24:14

ere nge mich u wun’um ni erfeni fel’ e gonop nga lanin’uy. Mu yagnag e gonop ngom me par e yafos rom ni bfel’ rogon iyan.

Eklesiastes 11:1

Mu tay e salpiy rom nga reb e bank u reb e nam, me yan i reb e rran me yib e win riy ngom.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Matthew 18:10

“Mu guyed rogon nge dab mu darifan niged u wun’med bagayad e pi bitir ney. Ya nggog ngomed ni pi engel rorad nu tharmiy e gubin ngiyal’ ni yad bay rok e Chitamag nu tharmiy.

Matthew 18:14

Ere ku errogon e Chitamangimed nu tharmiy nde adag bagayad e nochi tir ney ni nge malog.

Matthew 25:40

Ma bayi fulweg fare pilung ni ga’ar, ‘Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog!’

Luke 17:2

Kabfel’ ni yira the’ gafan ba manang ni ba ga’ nga belel’ugun nganin’ nga maday, ko bin ni nge waliy bagayad e pi bitir ney nge denen.

Luke 6:35

Aram e danga’! Nge t’uf romed e pi to’ogor romed mi gimed rin’ e tin ni bfel’ ngorad; ra ning be’ ban’en ngomed ni nge maruwel ngay mi gimed pi’ ma dab mu leam niged ban’en ni nge pi’ riy ngomed. Ya bay labgen ni ba ga’ nra fulweg Got ngomed, ma gimed pifak Got nib Th’abi Tolang. Ya Got e ba gol ngak e pi’in ndarir pininged e magaer ngak nge pi’in nib kireb.

2 Korinth 8:12

Ya fa’anra ba pasigan’med ngay ni ngam pi’ed ban’en, mra fek Got e tin ni kam pi’ed nib tow’ath nrogon e tin nrayag ni ngam pi’ed, ma gathi tin ndariy romed.

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.