Matthew 10:22 - Bible Ni Thothup

²² Ma gubin e girdi’ ni bay ra fanenikayed gimed ni bochag. Machane en nra athamgil nge par nge mada’ ko tomur e ra fos.

Matthew 10:22 Iomraidhean Croise

Proverbs 29:27

Pi’in nib mat’aw e yad ba fananikay e pi’in kireb, ma pi’in kireb e yad ba fananikay e pi’in nib mat’aw.

Matthew 10:39

Ya en nra guy rogon ni nge ayuweg e pogofan rok e ra thay rok; ma en nra pagfan e pogofan rok ni bochag e aram e ke ayuweg.

Matthew 24:13

Machane en nra athamgil nge mada’ ko tomur e rayag e yafos ngak.

Matthew 24:9

“Ma aram e bayi kolmed e girdi’ ngar pi’ed gimed ngan gechig nagmed, ma bay nthang e fan romed. Ma urngin e girdi’ ni bay ra fanenikayed gimed ni bochag.

Matthew 5:11

“Ngam felan’gad ko ngiyal’ nra yog e girdi’ e thin nib tagan ngomed miyad ngongliy e tin nib kireb ngomed ma yad be tunguy urngin mit e thin nib kireb nib togopluw ngomed ni bochan e gimed girdi’eg.

Mark 13:13

Ya gubin e girdi’ ni bay ra fanenikayed gimed ni bochag. Machane en nra athamgil nge mada’ ko tomur e rayag e yafos ngak.”

Luke 21:17

Ma gubin e girdi’ ni bay ra fanenikayed gimed ni bochag.

Luke 21:19

Ere mpired ni gimed bmuduwgil, ya ireray rogon me yag e yafos ngomed.”

Luke 6:22

“Ngam felan’gad ko ngiyal’ nra fanenikaymed e girdi’ riy, ngar chuweged gimed u fithik’rad, miyad yog e thin nib kireb ngomed, miyad yog ni gimed ba kireb, ni bochan e en ni Fak e Girdi’!

Luke 8:15

Ma awoch ni wear nga daken e but’ nib yong’ol e be yip’ fan e pi’in nrung’aged e thin rok Got miyad tay u lanin’rad ngu’ur folgad riy me par rorad nge yib wom’engirad.”

John 17:14

Kugog ngorad e thin rom ni mpi’ ngog ma ke fanenikayrad e girdi’ nu fayleng, ya gathi yad girdi’en e fayleng, ni bod gag ni gathi gag e girdi’ nu fayleng.

John 7:7

Ya girdi’ nu fayleng e dabiyag ni ngar fanenikayed gimed, machane gag e yad be fanenikayeg, ni bochan e gu be yog ngorad nib tagan e ngongol rorad.

Acts 9:16

Me gag e bay gu dag ngak urngin e pin’en nthingari gafgow riy ni bochag.”

Roma 2:7

Boch e girdi’ e kar pired ni yad be rin’ e tin ni bfel’ ni yad be nameg e fla’ab rok Got, nge tayfan ni bayi tay Got ngorad, nge reb e tamilang ndab ku nim’ riy: ireram e picha’ ni bayi pi’ Got e yafos ndariy n’umngin nap’an ngorad.

2 Korinth 4:11

N’umngin nap’an e yafos romad ko biney e tamilang e gubin ngiyal’ ni be chugur e yam’ ngomad ni bochan Jesus, ni fan e nge m’ug pangin ko re dowef romad ney, nib dowef nra yim’.

Galatia 6:9

Ere dabi chalbadad i ngongliy e ngongol ni bfel’; ya fa’anra dab da paged gadad, ma bay nap’an ni bayi taw ngay ma gadad t’ar wom’ngin.

Hebrews 3:14

Ya gadad gubin ni gadad Jesus ngabang ni fa’anra da pired nike pagan’dad ngak Got nge yan i mada’ ko tomur ni bod rogon ni ud pired ko som’on.

Hebrews 6:11

N’en ni kug m’ad ni bochan e mang e yigi bigimed me par ni be athamgil nge yan i taw ko tomur, nge yag ni yib i m’ug nib riyul’ e pin’en ni ir e be l’agan’med ngay.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

1 John 3:13

Pi walageg, dab mu gin gad ngay ni fa’anra fanenikaymed e girdi’ nu fayleng.

Revelation 2:10

Dab mu rus ko n’en ni bay mu gafgow riy. Mmotoyil ngog! I mo’onyan’ e bayi sikengnagmed ya bayi gagiyegnag nga nin’ boch i gimed nga kalbus; ma gafgow ni nge yib ngomed e bayi par ni ragag e rran. Ere ngam yul’yul’ ngog ni mus ni fa’anra ngan thang e fan rom, ma aram mu gu pi’ e te’eliyaw ko yafos ngom.

Revelation 2:17

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”

Revelation 2:26

Ma pi’in yad ra gel ndar paged yad ko kireb, ni pi’in yad be ngongliy e tin nib m’agan’ug ngay nge yan i mada’ ko tomur e gu ra pi’ mat’awrad ni ta’reb rogon nga mat’wug ni yag ngog rok e Chitamag: Bay gu pi’ mat’awrad ni ngar gagiyeg niged e pi nam nga ba ley i wasey ngar t’et’ared girdi’en e pi nam ngay ni nochiyang ni bod bogi th’ib ni but’. Ma bay kug pi’ e fasuran ngorad.

Revelation 2:3

Gab gumaen’, ma ke yo’or e gafgow ni keb ngom kam gafgow riy ni bochag, ma dawor mpagem.

Revelation 2:7

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Pi’in ni yad ra gel ndar paged yad ko kireb e bay gu pi’ mat’awrad ni ngar ked wom’ngin fare ke gek’iy ko yafos ni bay u Milay’ rok Got!”

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.