Matthew 10:2 - Bible Ni Thothup

² Ba’aray fithingan fa ragag nge l’agruw i apostel: bin som’on e Simon (ni yima pining Peter ngak) nge walagen ni Andrew; nge James nge walagen ni John, ni yow fak Zebede;

Matthew 10:2 Iomraidhean Croise

Matthew 17:1

Ma nel’ e rran nga tomuren me fek Jesus Peter, nge fa gali walag ni James nge John ngranod nga daken bburey nib tolang ni go’ yad.

Matthew 20:20

Me yib e chitiningin fa gali cha’ ni fak Zebede ngak Jesus ni yad fa gali cha’ ni fak me siro’ ngak Jesus, me wenignag ban’en ngak Jesus ni nge ayuweg riy.

Matthew 26:37

Me fek Peter nge fa gali cha’ ni fak Zebede ngar uned ngak. Me yib e taganan’ ngak Jesus nrib gel me thamiy ni gowa kan chuchuy nga but’,

Matthew 4:18

Nap’an ni be yan Jesus u to’oben e lipath nu Galile, me guy l’agruw i walag ni yow ma fita’, ni Simon (nike lunguy e Peter) nge walagen ni Andrew, ni yow be fita’ ko nug u lan e lipath.

Matthew 4:21

Me yan miki guy l’agruw i walag ni pumo’on ni aram James nge John, ni Zebede e chitamangirow, ni yow bay u bowoch ni yad e chitamangirow i Zebede, ni yow be fal’eg rogon e nug rorad ni ngan fita’ ngay. Me piningrow Jesus;

Mark 1:29

Me chuw Jesus nge pi gachalpen u tafen e mu’ulung ngranod nga tafen Simon nge Andrew; me un James nge John ngorad.

Mark 13:3

Ma nap’an nib par Jesus nga but’ u daken e burey nu Olive ni be changar ko fare Tempel me fith Peter, nge James, nge John, nge Andrew ngak ni go’ yad ni lungurad ngak,

Mark 6:30

Me sul fapi apostel ngak Jesus, miyad yog ngak e tin ni kar rin’ed nge tin ni kar machib niged ngak e girdi’.

Luke 11:49

Ireray fan ni ga’ar e Gonop rok Got, Bay gu l’oeg e pi profet ngorad nge pi’in nge fek e thin rog i yan ngorad, ma bay ra li’ed boch i yad miyad gafgownag boch.

Luke 22:14

Fa’ani taw ko fare awa, me yan i par Jesus nga tagil’ u tebel ni yad fapi apostel.

Luke 22:8

Me l’oeg Jesus Peter nge John ngranow nike ga’ar ngorow, “Mmarow ngam ngongliyew rogon e ggan ni ngad ked ko blayal’ ni ggan ko Paluk’af.”

Luke 5:10

Ma ku aram rogon fa gali cha’ ni yad Simon ni aram James nge John, ni fa gali cha’ ni fak Zebede. Me ga’ar Jesus ngak Simon, “Dab mu tamdag; ya chiney i yan ngaram e bay um yagnag e girdi’.”

Luke 9:10

Me sul fapi apostel miyad yog ngak Jesus urngin ban’en ni kar rin’ed. Me fekrad ngar uned ngak miyad yan ni go’ yad nga reb e binaw nu Bethsaida fithingan.

John 12:22

Me yan Filip nge yan i weliy ngak Andrew, miyow cheag ngranow rognew ngak Jesus.

John 13:23

Ma bay bagayad fa picha’, ni gachalpen nrib t’uf rok Jesus, nike par nga but’ ni ir e mmigid ngak Jesus.

John 20:2

Me mil nge yan ngak Simon Peter nge fa’anem ni gachalpen Jesus nib t’uf rok Jesus, me ga’ar ngorow, “Kar chuweged Somol ko fare low ko yam’ ma da gu nanged e gin ni kranod ra ted ngay!”

John 21:2

I Simon Peter, nge Thomas (ni yima pining Athlog ngak), nge Nathanael (ni be’ u Kana nib binaw ni bay u lan yu Galile), nge fa gali pumo’on ni fak Zebede, nge ku l’agruw ni’ ni gachalpen Jesus e yad bay u ta’bang.

John 21:20

Me changar Peter nga keru’, me guy fa binem i gachalpen Jesus ni bay u keru’, ni fa’anem nib t’uf rok Jesus — ni fa’anem ni fa’ani pag ir ngari chugur ngak Jesus ko ngiyal’ ni ba’aram ni fa’anra abichgad riy me fith ngak ni ga’ar, “Somol, i mini’ e en ni bayi yag nigem?”

John 21:24

Cha’nem e ir e cha’ ni gachalpen Jesus ni weliy murung’agen e pin’ey, ni en ni ku ir e ke yoloy e pi thin ney; ma gamad manang ni tin ke weliy e riyul’.

John 6:67

Ma aram me ga’ar Jesus ngak fa ragag nge l’agruw i gachalpen, “Ma gimed, gimed ba’adag ni ngkum paged gag ngam marod?”

John 6:70

Me fulweg Jesus ngorad ni ga’ar, “Gathi gag faram e gu mel’egmed e re ragag nge l’agruw nir? Machane bay bigimed nib mo’onyan’!”

John 6:71

Ni aram e be weliy murung’agen Judas, ni fak Simon Iskariot. Ya Judas ni aram rogon ni ir reb fare ragag nge l’agruw i gachalpen Jesus e bayi yagnag Jesus.

John 6:8

Ma bagayad pi gachalpen ni aram Andrew, ni walagen Simon Peter e ga’ar,

Acts 1:13

Miyad yan ngalan yu Jerusalem mranod ngalang ko fare senggil ni yad be par riy, ni aram Peter, nge John, nge James nge Andrew, nge Filip nge Thomas, nge Bartholomew nge Matthew, nge James ni Alfeus e chitamngin, nge Simon nma tiyan’ ko nam rok, nge Judas ni James e chitamngin.

Acts 1:26

Tomuren e biney miyad girengiy nochi yang i ban’en ni bay e pow riy ni ir e nge duwgiliy bagayow fa gali ngachal. Ma re ngachal ni yan i muturug e Matthias, ma aram min uneg ko fare ragag nge ta’reb i apostel.

Acts 12:2

I yog ni ngan thang e fan rok James, ni walagen John nli’ ko saydon.

Acts 3:1

Reb e rran me yan Peter nge John nga Tempel ko dalip e kolok ni mathig yal’, ni aram ngal’an e meybil.

1 Korinth 15:7

Me m’ug ngak James, nge mu’ mfini m’ug ngak urngin e pi apostel.

Efesus 4:11

I ir e en ni “tow’athnag e girdi’ ”, nra be’ ma n’en nib salap riy, me turguy boch ni ngar manged apostel, ma boch e turguy ni ngar manged profet, ma boch e turguy ni ngar machib niged ngak e girdi’ fare Thin Ni Bfel’, ma boch e turguy ni ngar manged pastor ma ngar filed fan e thin rok Got ngak e girdi’.

Hebrews 3:1

Pi walageg ni gimed girdi’en Kristus, ni ku errogon gimed nike piningmed Got ni ngambad ngak! Mu leam niged Jesus, ni ir e ke l’oeg Got ke yib ni nge mang fare Prist ni Th’abi Ga’ ko michan’ rodad ni ir e gadad be weliy murung’agen.

1 Peter 1:1

Re babyor ney e yib rok Peter ni ir e apostel rok Jesus Kristus — Ngak girdi’en Got ni Got e mel’egrad ni kar weargad ko nug nu Pontus, ngu Galatia, ngu Kappadocia, ngu Asia, ngu Bithynia ni yad be milnag e pogofan rodad.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

2 John 1:1

Re babyor ney e yib rok e en nib ilal — Ni yan ngak fare pin nge pifak ni bogni’ nri yad ba t’uf rog. Gathi kemus ni go’ gag, ya urngin e girdi’ ni karnanged e tin riyul’ ni gimed ba t’uf rorad,

3 John 1:1

Re babyor ney e yib rok e en nib ilal — Ngak Gayus ni be’ nrib t’uf rog.

Revelation 1:1

U lan e re ke babyor ney e kan yoloy fa pin’em ngay ni fini dag Jesus Kristus nga ni guy. Pin’ey e pi’ Got ngak John ni nge dag ngak e pi tapigpig rok Got e n’en nthingari m’ug ndab ki n’uw nap’an. Kristus e l’oeg e engel rok nge yan i dag me weliy e pin’ey ngak John, ni ir e tapigpig rok Kristus.

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Revelation 22:8

I gag John e kug rung’ag ma kug guy e pin’ey ni gubin. Ma fa’an gu mu’ i rung’ag mu gu mu’ i guy e pin’ey mu gu paraw nga but u to’oben rifrifen ay fare engel ni fa’ani ir e ke dag e pin’ey ngog ni nggu siro’ ngak.