Matthew 10:1 - Bible Ni Thothup

¹ Me ulunguy Jesus fa ragag nge l’agruw i girdi’ ni gachalpen me pi’ gelngirad ni nge yag nra tulufed e mo’onyan’ ko pi’in ke ying e mo’onyan’ ngorad, miyad golnag urngin e liliy nge m’ar.

Matthew 10:1 Iomraidhean Croise

Matthew 19:28

Me ga’ar Jesus ngorad, “Ba’aray bbugithin ni nggog ngomed: ngiyal’ nra par e en ni Fak e Girdi’ riy nga tagil’ u tafen e fla’ab ko bin nib be’ech e tamilang ni bay yib, e ku errogon ni aram e gimed e re ragag nge l’agruw i girdi’ rog nir e bay kum pired nga tagil’med ni ngam gagiyeg niged fa ragag nge l’agruw i ganong nu Israel.

Matthew 26:20

Ma nap’an ni aw e lumor me par Jesus nge fa ragag nge l’agruw i gachalpen nga tebel ni ngar abichgad.

Matthew 26:47

Ka be welthin me taw Judas, ni ir reb fare ragag nge l’agruw i gachalpen, nike cheag ba ulung i girdi’ ni pire’ ngak ni kar feked e saydon nge gul, nike l’oegrad e pi tolang ko prist nge pi’in pi’ilal rok piyu Israel.

Matthew 4:23

Me yan Jesus nga gubin yang u Galile, ni be machibnag u lan tafen e mu’ulung rorad e Thin Ni Bfel’ ni murung’agen e gagiyeg rok Got, ma be golnag e girdi’ u urngin mit e liliy nge m’ar.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Matthew 9:35

Ma aram me yan Jesus ko pi binaw i yan, ni binaw ni pire’ e girdi’ riy nge binaw nib lich e girdi’ riy, ni i machib nagrad u lan tafen e mu’ulung rorad, ni be machibnag e Thin Ni Bfel’ ni murung’agen e gagiyeg rok Got, me golnag e girdi’ u urngin mit e liliy nge m’ar.

Matthew 9:38

Mu meybilgad ngak e en ni ir e suwon e re woldug nem ngki pi’ boch girdi’en e maruwel ngar muruwliyed e re woldug rok nem nge thap nga naun.”

Luke 10:19

Mu telmed! Kug pi’ mat’awmed nge gelngimed, ni fan e nge yag ni umot’ed e porchoyog nge skorpion mi gimed gel nga gelngin fa’anem ni ir e To’ogor, ma dariy ban’en nra maad’ad ngomed.

Luke 21:15

ya bay gu pi’ e thin ni nga mogned nge gonop romed ndariy reb e pi to’ogor romed nrayag rok ni nge togopluw ngay ara yog nde riyul’.

Luke 24:49

Mi gag e bay gu pi’ nge yib nga dakenmed e n’en nike yog e Chitamag ni nge pi’. Machane thingar mu son gad u lan e re binaw ney nge yan i mada’ ko ngiyal’ ni bay ni pi’ gelngimed u lang nge yib nga dakenmed.”

Luke 6:13

Ma fa’ani rran me pining pi gachalpen ngarbad ngak me mel’eg ragag nge l’agruw i yad u fithingrad, me tunguy fithingrad ni apostel,

John 17:2

Ya kam pi’ gelngin ni nge gagiyegnag urngin e girdi’, ni bochan e nge yag ni pi’ e yafos ndariy n’umngin nap’an ngak e pi’in kam pi’rad ngak.

John 3:27

Me fulweg John ni ga’ar, “Dariy be’ nra yag ban’en ngak ni gathi Got e pi’.

John 3:35

En ni Chitamangiy e ba t’uf Fak rok ma ke pag fan urngin ban’en ngak.

John 6:70

Me fulweg Jesus ngorad ni ga’ar, “Gathi gag faram e gu mel’egmed e re ragag nge l’agruw nir? Machane bay bigimed nib mo’onyan’!”

Acts 1:8

Machane bay yib gelngimed ko ngiyal’ ni bay yib fare Kan Nthothup riy nga dakenmed, ma aram mi gimed weliy murung’ageg u lan yu Jerusalem, ngu lan yu Judea ni polo’, ngu lan yu Samaria, nge yan i mada’ ko yungi n’en ni yan i mus e fayleng ngay.”

Acts 19:15

Machane me ga’ar fare mo’onyan’ ngorad, “Gu manang Jesus ma gu manang murung’agen Paul, ma gimed e gimed chon mini’?”

Revelation 12:1

Ma aram me m’ug reb e pow ni ba ga’ u lan e tharmiy, ni be’ ni bpin, ni mad rok e yal’ ma ba’ e pul u tan e rifrif u ay, ma ke te’eliyaw nga ragag nge l’agruw i t’uf.