Mark 7:27 - Bible Ni Thothup

²⁷ Me fulweg Jesus ngak ni ga’ar, “Som’on e ngaan duruw’iy e pi’in bitir; ya de mat’aw ni ngan fek gan e pi’in bitir nga nin’ ko pilis.”

Mark 7:27 Iomraidhean Croise

Matthew 10:5

Jesus e l’oeg e re ragag nge l’agruw i girdi’ ney, ma ba’aray e pin’en ni yog ni ngar rin’ed ni ga’ar, “Dab marod ngalan e nam ko pi’in gathi yad piyu Israel fa lan e pi binaw ni bay e girdi’ nu Samaria riy.

Matthew 7:6

“Dab mpi’ed ban’en nib thothup ngak e pilis ya kemus ni yad ra cheal ngar k’aded gimed; dab mon’ed e churuwo’ romed nni fek u lan l’ugun e yar nga p’eowchen e babiy, ya kemus ni yad ra yot’yot’.

Mark 7:26

Re pin nem e be’ u bang, nni gargelnag u Fonicia ni bay u lan yu Syria. Me wenig ngak Jesus ni nge tuluf fare mo’onyan’ nge chuw u fithik’ i dow fak.

Mark 7:28

Machane me fulweg fare pin ni ga’ar, “Er rogon, machane mus ko pilis ni bay u tan e tebel nma kay e ggan nike aw u gan e pi’in bitir!”

Acts 22:21

Me ga’ar Somol ngog, ‘Mman, ya nggu pi’em ngam man nga pal’af ngak e pi’in gathi yad piyu Israel.’ ”

Roma 15:8

Ya nggog ngomed ni Kristus e yib i mang ba tapigpig ngak piyu Israel ni fan e nge dag ni Got e ba yul’yul’, ma nge yib i riyul’nag e tin ni yog Got ngak e pi chitamangidad ni bayi rin’,

Efesus 2:12

Re ngiyal’ i n’em e um pired nda mmoyed rok Kristus. Um moyed ni gimed e girdi’ nu bang, ma da mu uned nga fithik’ e girdi’ nike mel’eg Got ni nge mang girdi’ rok. Ma da mu uned ko fapi m’ag ni pi’ Got ngak girdi’en ni bay rogon ko tin ni yog Got ni bayi pi’ ngak e pi’in girdi’en. Um pired u roy u fayleng ndariy ban’en nike l’agan’med ngay ma de moy Got romed!