Mark 7:22 - Bible Ni Thothup

²² miyow par be’ ni gathi mabgol rok, me chogow, me rin’ urngin mit e kireb; me sabanban, me puwlag, me awan’, me t’ar e thin nga daken be’, me tolngan’, me balbalyang —

Mark 7:22 Iomraidhean Croise

2 Kronicles 32:31

ma ku nap’an ni yib e pi’in owchen yu Babylon nga reb e nam ni yad be fith murung’agen e pin’en nike ngongliy u lan fare nam, me pag Got i Hezekiah nge rin’ e tin ni ba’adag ni fan e be sikengnag ngonglen.

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

Psalms 119:36

Mu pi’ chogowen ngog ni nggu fol ko pi motochiyel rom ma gathi nge yo’or ban’en rog.

Proverbs 12:23

Girdi’ nib tamilngan’ e yad ma th’ab gulungrad ko n’en ni yad manang, ma pi’in pinat e yad ma gagyelnag farad manan’.

Proverbs 22:15

Gubin e bitir ni yad bbalyang, ma yad ba wagagey, machane yira toyrad ni yibe llowan’ nagrad ni bfel’ rogon miyad ra fil riy rogon ni ngi i par pangirad ni bfel’.

Proverbs 23:6

Dab mu’un ko abich u tabel rok be’ nib si’in ara mu nemow nigem ko ggan ni falel’ ni be pi’.

Proverbs 24:9

Demturug ban’en nra t’ar be’ nib balyang liben mab denen. Ma fananikay e girdi’ be’ ni dariy ban’en nma rin’ ya go’ moning.

Proverbs 27:22

Fa’anra mu pirdi’iy be’ nib balyang nge chugur ni nge yim’, ma dabyag ni ngam pirdi’iy e balyang rok nge chuw rok.

Proverbs 28:22

Girdi’ ni bfel’ ngak e yad be gur niged yad ni nge yo’or ban’en rorad, ma darir nanged ni aram e nge anog e gafgow.

Eklesiastes 7:25

Machane ri gu tayan’ug ngay ni nggu fil e llowan’; mu gu t’ar u wun’ug ni nggu pir’eg e gonop nge fulweg ko pi duwer rog, ma nggu nang feni kireb nge feni balyang e pinat.

Isaiah 59:13

Kug togopluwgad ngom, ku gu pi’ed keru’mad ngom, ma da gur leked gur. Gamad be gafgownag boch e girdi’ ku gu paloggad rom. Leam romad e go’ ban, thin romad e go’ malfith.

Isaiah 59:7

Kay gum par ni ga be tanomnag e kireb, mada kumur ayal ni ni ngam rin’. Damur tuntun ni nga mu fek e fan rok e girdi’ ni dariy ban’en nike bucheg. Gubin yang ni ga be yan riy ma be kireb be mogothgoth,

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Matthew 20:15

Gathi bay mat’wug ni nggu rin’ e tin ni gub adag ko salpiy rog? Fa ke awan’um ni bochan e gub gol?’ ”

Matthew 6:23

machane fa’anra ba tagan lan owchem, ma aram e dowam ni palo’ e basug ko lumor. Ere fa’anra tamilang u fithik’ i dowam e lumor, me’ere rib ga’ e lumor riy!

Mark 7:21

Yu fithik’ i laniyan’ be’ e ir e ma yib e leam nib kireb riy ni ir e ma pingeg fa’anem nge darngal, me moro’ro’ u fithik’ e yargel, me thang e fan ko girdi’,

Mark 7:23

urngin e pi kireb ney e ma yib u laniyan’ be’ nge alitnag fa’anem.”

2 Korinth 10:5

ma kug buthuged urngin e leam nib tolang ni yibe togopluwnag ko tin ni kan nang ni murung’agen Got; gamad be fek urngin e leam ni bod ni yima kol e girdi’ ko mael nggu pingeged nge fol rok Kristus.

Deuteronomy 15:9

Dab mu siyeged ni ngam pi’ed ban’en ngak ni malfith, ni bochan e ke chugur ko fare duw nra math e malfith riy. Dab mu paged ba leam ni aray feni kireb nge aw nga laniyan’med. Ya fa’an gimed ra siyeg ni ngam pi’ed’ e malfith ngak, mra yor ngalang ngak SOMOL nib togopluw ngom, mra mang gur e buch e rom.

Deuteronomy 28:54

Mus ngak ere mo’on nrib th’abi fel’ nib gol mab sumnguy ni immoy u fithik’med e ra m’ay e runguy rok ngak walagen ni pumo’on, nge le’engin nrib t’uf rok nge tin ke magach u pifak,

Deuteronomy 28:56

Ni mus ngak e re pin nrib fel’ rogon i chugliy, ma be’ ni bfel’ rogon ni mada ko yan ma dar yot’ e but’ nge yan, mra ngongol ma ku aram rogon. Nap’an nra m’ag e to’ogor e mael ko binaw rok e re pin ney, me achichig’an ko ggan nge mith nge languy fak ni ka feni gargaleg nge tin bay ki gargeleg. Ni dab i pi’ boch ngak e figirngin nib t’uf rok ara ngak pifak.

1 Peter 2:15

Ya ba’aray e n’en nib m’agan’ Got ngay: ba’adag ni ngam th’abed gulungan e pi’in balyang ndar nanged fan e n’en ni yad be yog, ni ngam th’abed gulungrad ko ngongol ni bfel’ ni gimed be rin’.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”