Mark 7:2 - Bible Ni Thothup

² Miyad guy boch pi gachalpen Jesus ni yad be abich nde be’ech pa’rad, ni fan e ren’em e bochan e dar luk niged pa’rad nrogon nike yog e pi Farise ni nge rin’ e girdi’.

Mark 7:2 Iomraidhean Croise

Matthew 15:2

“Mangfan nder fol pi gachalpem ko yalen nike yib rok pi chitamangidad ni kakrom ke af ngodad? Darir lukuyed pa’rad nrogon yalen ni yima lukuy pa’ay nge mu’ min abich!”

Mark 7:5

Me fith e pi Farise nge pi tamchib ko Motochiyel Jesus ni lungurad ngak, “Mangfan nder fol pi gachalpem ko yalen nike yib rok pi chitamangidad ni kakrom ke af ngodad, ma yad be abich nga pa’rad nde be’ech?”

Luke 11:38

Me gin fare Farise ngay ni guy nde maluknag Jesus pa’ u m’on ko abich.

Acts 10:28

Me ga’ar ngorad, “Gimed manang faram ni be’ u Israel e de mat’aw ko ba’ rok e taliw ni nge yan i guy ara i cheag ngak be’ ni gathi be’ u Israel. Machane Got e ke dag ngog nthingari dab ku ug leamnag be’ ni de be’ech ara ba alit ni rogon ni bay ko Motochiyel.

Acts 11:8

Machane me lungug, ‘Somol, dabiyag ni nggu rin’! Ya dariy ban’en nike yog e Motochiyel nib tagan ni ngan longuy ara ggan nde be’ech nrogon ni bay ko Motochiyel ni ka’a yan ngalan l’ugunag.’

Roma 14:14

Taab girdi’ ni kug tew Somol Jesus e ir e ke ayuwegneg kari gu nang ndariy e ggan nde be’ech; machane fa’anra bay ban’en ni be leamnag be’ nde be’ech, ma aram e ke ngal’ nde be’ech u puluwon fa’anem.

Hebrews 10:29

Ere ra yan i di’in e en ni be darifannag e en ni Fak Got ni be dag ko ngongol rok ndariyfan u wan’ e racha’ ko m’ag rok Got ni ir e machalbognag fa’anem, ni en ni ir e ke tagannag laniyan’ fare Kan Nthothup nma ayuwegdad? Mu tafinay niged feni gel e gechig ni bay tapgin ni ngan pi’ ngak!

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.