Mark 6:8 - Bible Ni Thothup

⁸ me yog Jesus ngorad ni ga’ar, “Ngam marod ko milekag ndariy ban’en ni ngam feked, kemus ni sog e ngam feked; ma dab mu feked e ggan, nge tutuw nma fek e pi’in nma man ban’en, ma dab mu ted e salpiy ngalan e bel ko mad romed.

Mark 6:8 Iomraidhean Croise

Mark 6:9

Mi gimed yin’ e sus, ma dab mu feked reb e kenggin e mad ni ngam thiliyeged ko bin ni bay u dakenmed.”

Luke 10:4

Dab mu feked tafen e salpiy, ara tutuw nma fek e pi’in nma man ban’en, ara sus; ma dab mu talgad ni ngam fingichiyed be’ u daken e kanawo’.

Luke 22:35

Me ga’ar Jesus ngorad, “Fare ngiyal’ i n’en ni gu l’oegmed ngu’um marod i yan nda mfeked tafen e salpiy, nge tutuw, ara sus, e bay ban’en ni m’ay romed fa?” Miyad fulweg ngak ni lungurad, “Dariy ban’en ni m’ay romed.”

Luke 9:3

Me ga’ar ngorad, “Dariy ban’en ni ngam feked ngam marod: dab mu feked e sog, dab mu feked e tutuw nma fek e pi’in nma man ban’en, nge ggan, nge salpiy, ni mus nga reb e kenggin e mad ni ngu’um thiliyeged ko bin ni bay u dakenmed ma dab mu feked.