Mark 6:45 - Bible Ni Thothup

⁴⁵ Ka chingiyal’ nem me yog Jesus ngak pi gachalpen ni ngar afgad nga bowoch ngar m’onod rok Jesus nga Bethsaida, ni bay nga baraba’ fare lipath, me yog ngak fapi girdi’ ni aram urngirad ni ngar sulod.

Mark 6:45 Iomraidhean Croise

Matthew 11:21

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kani ngongliy u lan e gali binaw nir e fa’an mang e ni ngongliy u lan yu Tyre nge yu Sidon, ma girdi’ riy e kafram ni ka ron’ed e tutuw ni mad, ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!

Mark 6:32

Miyad af ngalan e bowoch ni go’ yad ngar leked bangi yan’ ndariy be’ riy.

Mark 8:22

Marbad nga Bethsaida, me fek bogni’ be’ nib mo’on nib malmit i yib ngak Jesus, miyad wenig ngak ni nge math ngak.

Luke 10:13

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kan ngongliy u wur e fa’an mang e ni ngongliy u lan yu Tyre nge yu Sidon, ma girdi’ riy e kafram e kar pired nga but’ ka ron’ed e tutuw ni mad ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!