Mark 6:37 - Bible Ni Thothup

³⁷ Me fulweg Jesus ni ga’ar ngorad, “Gimed e mpi’ed ban’en ngorad ngar ked.” Me lungurad ngak, “Gab adag ni gamad ra yan gu chuw’iyed urngin e flowa nrayag u l’agruw mir’ay yang e salpiy ni wasey nib silber nggu pi’ed ngorad ngar ked?”

Mark 6:37 Iomraidhean Croise

2 Kings 7:2

Ma fare salthaw nib tolang ni un ngak fare pilung e ga’ar ngak Elisa, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

Numbers 11:13

U uw e nggu fek e ufin riy ni yad ra gaman riy ni ara’ urngirad? Kar gafgow niged gag ya yad be yor ngog ni nggu pi’ e ufin ngorad.

Matthew 14:16

Me fulweg Jesus ngorad ni ga’ar, “Dab ranod, gimed e mpi’ed ban’en ngorad ngar ked.”

Matthew 18:28

“Me yan fare mo’on nga wean me mada’nag reb e tapigpig ko fare masta rok ni bod ir, ni bay in e dollar ni malfith rok fa’anem ngak. Me thiy pa’ ngak nge dun’uf k’angan ni be ga’ar, ‘Mu fulweg ngog e salpiy ni mfek rog ni malfith!’

Mark 6:36

Mu non ngak e girdi’ ngranod ko yungi n’en nib chugur ngaray ni yibe par riy yibe woldug, nge pi binaw nib chugur ngaray ngar chuw’iyed ban’en ngar ked.”

Mark 6:38

Ma aram me fithrad Jesus ni ga’ar, “In yal’ e flowa ni bay romed? Mu guyed ngam nanged.” Ma nap’an nra nanged urngin me lungurad ngak, “Lal yal’ nge l’agruw e nig.”

Luke 7:41

Me tabab Jesus ngay ni ga’ar, “Immoy l’agruw i mo’on nra tew e malfith ni salpiy ngak be’ nma pi’ e salpiy ko girdi’ ngan maruwel ngay nge mu’ mi ni fulweg: bagayow e lal mir’ay e salpiy ni wasey nib silber e tay ngak ni malfith ma bagayow e wugem.

Luke 9:13

Machane me ga’ar Jesus ngorad, “Gimed e mpi’ed ban’en ngar ked.” Miyad fulweg ni lungurad, “Kemus ni lal yal’ e flowa nge l’agruw e nig ni ba’aray romad. Ga ba’adag ni gamad ra yan gu chuw’iyed e ggan rok e pi girdi’ ney ni aray urngin?”