Mark 6:3 - Bible Ni Thothup

³ Gathi ir fare daiksang ni fak Maria, ma walagen James, nge Joses, nge Judas, nge Simon? Ma gathi ma par pi walagen ni ppin u roy?” Ma aram mra dabuyed ni ngar motoyilgad ngak.

Mark 6:3 Iomraidhean Croise

Isaiah 49:7

Got rok yu Israel nib thothup ni ir e ke biyuliyrad e be ga’ar ngak fa’anem nri yibe darifannag, ma be fanenikay e pi nam daken, me ir e tapigpig rok e pi pilung: “Pi pilung e bay ra guyed gur ndakuriy be’ ni ga bay u tan pa’ miyad yib ngar ted fam; ku er rogon e pi’in yad ma gagiyeg ni bay ra guyed miyad paraw nga but’ ngar ted fam.” Bayi yodoro’ ya SOMOL e ke mel’eg fare tapigpig rok; ma Got rok yu Israel nib thothup e ma tay e thin rok u gil’.

Matthew 11:6

Rib felan’ e en ndagur maruwar u wan’!”

Matthew 12:46

Ka be non Jesus ngak fapi girdi’ me taw e chitiningin nge pi walagen. Miyad sak’iy u wuru’ e naun, miyad yog ni yad ba’adag ni ngar nonod Jesus.

Mark 15:40

Ma ku errogon bogi ppin ni ur moyed u rom ni yad be changar u orel ngaram, ni bay Salome nge Maria Magdalene, nge Maria ni chitiningin e bin bitir e James, nge Joses u fithik’rad,

Mark 3:18

nge Andrew, nge Filip, nge Bartholomew, nge Matthew, nge Thomas, nge James ni fak Alfeus, nge Thaddeus, nge Simon, nma tiyan’ ko nam rok,

Luke 2:34

Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

Luke 7:23

Rib felan’ e en ndagur maruwar u wan’!”

Luke 8:20

Ma aram me ga’ar be’ ngak Jesus, “Ba sak’iy e chitinam nge pi walagem ni pumo’on u wean ni yad be guyem.”

John 14:22

Me ga’ar Judas (ni gathi Judas Iskariot), “Somol, uw rogon ni ngam guy rogon nggu nanged gur ma dabi nangem e girdi’ nu fayleng?”

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

Acts 1:13

Miyad yan ngalan yu Jerusalem mranod ngalang ko fare senggil ni yad be par riy, ni aram Peter, nge John, nge James nge Andrew, nge Filip nge Thomas, nge Bartholomew nge Matthew, nge James ni Alfeus e chitamngin, nge Simon nma tiyan’ ko nam rok, nge Judas ni James e chitamngin.

Acts 12:17

Me fanathin ngorad u pa’ ndab rnonod, ma aram me weliy ngorad rogon nike yib Somol i chuweg u kalbus. Me ga’ar, “Mu weliyed e pi thin ney ngak James nge tin ni kabay i walagdad ni girdi’en Jesus;” ma aram me pagrad ngki yan ngabang.

1 Korinth 1:23

Ma gadad e gadad be weliy murung’agen Kristus nni kuruthnag, ni bbugithin ndabun piyu Israel ma thin ko balyang u wan’ e pi’in gathi yad piyu Israel;

1 Korinth 9:4

Gur dariy mat’wug ni ngan pi’ e ggan nge garbod ngog ni bochan e maruwel ni gu be tay?

Galatia 1:19

Ma da kug guy yugu reb e apostel, kemus ni James e gguy, ni ir e walagen Somol.

1 Peter 2:4

Mired ngak Somol, ni ir fare malang nib fos ni n’ag e girdi’ ni lungurad e dariyfan, machane Got e turguy nri ba ga’ fan.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus: