Mark 6:20 - Bible Ni Thothup

²⁰ Mi Herod e be tamdag ngak John, ya manang ni John e be’ ni bfel’ ma ba thothup, ma aram me tay ndab nli’ ngem’. Ba’adag Herod nma motoyil ngak John, ni yugu aram rogon ni gubin ngiyal’ nra motoyil ko tin ni be weliy John me yib e marus ngak.

Mark 6:20 Iomraidhean Croise

1 Kings 21:20

Ma fa’ani guy Ahab Elijah me ga’ar, “To’ogor rog, kam piri’egeg.” Me ga’ar Elijah, “Er rogon, kug piri’egem. Kam par ni tin nib kireb u p’eowchen SOMOL e ga be ngongliy.

2 Kings 13:14

Elisa ni profet e yib e m’ar ngak nge ubchiya’ riy ndabki gol, ma nap’an ni kari ubchiya’ me yan Jehoash ni Pilung nu Israel i guy. Me yor ni be ga’ar, “Chitamag, chitamag, i gur e um par ni ga bod fapi chariot nu Israel nge pi’in yad be yannag ni matanagen e binaw!”

2 Kings 6:21

Ma fa’ani guyrad e pilung nu Israel, me ga’ar ngak Elisa, “Mog, nge di’in? Nggu li’rad?”

2 Kronicles 24:2

I rin’ e tin nib m’agan’ SOMOL ngay u n’umngin nap’an ni i par Jehoyada ni prist nib fos.

2 Kronicles 26:5

Zekariah e ir e tafanow rok Uzziah ni i fil ngak ni ngi i fol rok Got. Ere n’umngin nap’an ni i par Zekariah nib fos, ma i par Uzziah nib yul’yul’ ngak Got, me fal’eg Got wa’athan.

Exodus 11:3

Me gagiyegnag SOMOL piyu Egypt ngar m’inggad nga tan yu Israel. Ya pi tolang nge girdi’ nu Egypt e ra ted Moses ni ir be’ nrib sorok.

Ezekiel 33:32

Rogon ni yad be leam nigem e ta’reb rogom ngak be’ nma paleg owchey nma yin’ tangin e adag ma be chubeg ba harp. Yad be motoyil nga urngin e thin ni ga be weliy ma dariy ta’ab bug riy ni yad be fol riy.

Daniel 4:18

Me ga’ar Nebukadnezzar ni Pilung, “Irera’ fare lik’ay ni gu tay. Ere gur Belteshazzar, e ngam weliy fan ngog e chiney. Pi tafnow ni gamad ma puruy’ e dariy bagayad nrayag rok ni nge weliy ngog, machane gur e rayag rom, ya gonop ko pi got nib thothup e bay rom.”

Daniel 4:27

Pilung rog, ngam fol ko tin ni nggog ngom ngam tal ndab ku um ngongliy e denen, ma ga rin’ e tin nib mat’aw; ma ngam runguy e pi’in gafgow. Ga ra rin’ ni aray rogon me yan nga luwan e kireb ni um rin’ mu’um par ni bfel’ rogom i yan.”

Daniel 5:17

Me fulweg Daniel ni ga’ar, “Mu tay rom e tow’ath rom. Mpi’ ngak yugu be’. Machane bay gu be’eg ngom i gur pilung e tin kan yoloy mu gu weliy fan ngom.

Matthew 14:5

Me finey Herod ni nge li’ John ngem’, machane be tamdag ngak e girdi’ nu Israel, ya kar ted ni John e reb e profet.

Matthew 21:26

Ma fa’anra lungudad ngak e yib rok e girdi’, ma dad nanged e n’en nra rin’ e girdi’ ngodad, ya kari riyul’ u wan’ urngin e girdi’ ni John e immoy ni ir reb e profet.”

Mark 11:18

Me rung’ag e pi tolang ko prist nge pi tamchib ko Motochiyel murung’agen e n’en ke rin’ u Tempel, ma aram miyad gay kanawo’en e n’en nra rin’ min li’ Jesus ngem’. Ya ra tamdaggad ngak ni bochan e gubin fapi girdi’ ni aram urngirad ni kar gin gad ngarogon e machib ni be tay.

Mark 4:16

Ma boch e girdi’ e bod e awoch ni wear nga daken bochi thal i but’ ni bay u daken e war. Nap’an ni yugu yad ra rung’ag e thin rok Got nnog ngorad miyad fol riy ni kar felfelan’gad ngay.

John 5:35

I John e immoy ni bod ba magal ni i mat ngi i gal ram’en, ma ba ngoch nap’an ni mpired nib m’agan’med nga ram’en.

Acts 2:12

Ma yad gubin nra bagayad ma be fith bagayad ni be ga’ar, “Be mang e ren’ey?” Ya kar ngatgad ma ke balyangan’rad.

Acts 5:24

Ma fa’ani rung’ag e en ni ir e mmil fan e pi’in nmatnagen e Tempel ngak nge pi tolang ko prist, mu ur fithed yad ko n’en nike rin’ fapi apostel.