Mark 6:2 - Bible Ni Thothup

² Ma nap’an ni taw ko Sabbath me tabab ko machib u lan tafen e mu’ulung. Ma bo’or e girdi’ ni ur moyed u rom, ma fa’an rrung’aged e machib rok miyad gin ngak ni yad gubin. Miyad fithrad ni lungurad, “U uw e nang e cha’ney urngin e pin’ey riy? U uw e fek e gonop rok riy? Ma uw rogon ni be ngongliy e pi maang’ang nem?

Mark 6:2 Iomraidhean Croise

Matthew 4:23

Me yan Jesus nga gubin yang u Galile, ni be machibnag u lan tafen e mu’ulung rorad e Thin Ni Bfel’ ni murung’agen e gagiyeg rok Got, ma be golnag e girdi’ u urngin mit e liliy nge m’ar.

Matthew 7:28

Fa’ani yog Jesus e pin’ey nge mu’, me gin fapi girdi’ ni aram urngirad ngarogon e machib nike tay.

Mark 1:39

Me yan u lan tafen e mu’ulung ni gubin u lan yu Galile, ni be machib ma be tuluf e mo’onyan’ rok e pi’in ke ying e mo’onyan’ ngorad.

Mark 10:1

Me chuw Jesus u rom nge yan ko nug nu Judea me th’ab e lul’ ni Jordan nga ba’nem. Miki mu’ulung e girdi’ ni pire’ ngak, mi i machib nagrad ni bod rogon nma rin’.

Luke 2:47

Ma urngin e girdi’ ni ur motoyilgad ngak e ra gin gad nga feni llowan’ ko thin ni ur fithed ngak ngi i fulweg.

Luke 4:15

Me machib u lan e pi tafen e mu’ulung rorad i yan, ma urngin e girdi’ ni yog e sorok ngak.

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

John 7:15

Me ri gin e pi tolang ko Jew ngak, miyad yog ni lungurad, “I di’in me nang e re mo’on ney e pin’ey ni ireray urngin ndawori un nga sukul bi’id?”