Mark 5:23 - Bible Ni Thothup

²³ me wenig i wenig ngak Jesus ni be ga’ar, “Bay bochi pin ni fakag, ni kari ubchiya’. Wenig ngom, moy ngam tay pa’am nga daken nge gol, me siy ki yim’!”

Mark 5:23 Iomraidhean Croise

2 Kings 5:11

Me yan Naaman nike damumuw ni be ga’ar, “Gu leamnag ni bay yib ngog nga wean nge meybil ngak SOMOL ni Got rok me rupoy pa’ ko yung ni bay e m’ar riy u dowag nge chuw!

Psalms 107:19

Nap’an nra gafgowgad ni aram rogon miyad wenig ngak SOMOL, me ayuwegrad ko gafgow nike aw ngorad.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Matthew 8:3

Me k’iyag Jesus pa’ nge math ngak. Me fulweg ni ga’ar, “Bm’agan’ug ngay, aram e ngam be’ech!” Kachingiyal’ nem me chuw e daraw rok.

Mark 16:18

ma fa’an yad ra kol e porchoyog nga pa’rad, fa ra unumed ban’en ni bay e yub riy, ma dab ra m’ad ngay; ma yad ra tay pa’rad nga daken e pi’in nib m’ar, me m’ay e m’ar rorad.”

Mark 5:24

Me un Jesus ngak ngranow. Me un e girdi’ ngak Jesus ni pire’ ni pire’ ni yad be apinpin ngak u gubin yang.

Mark 6:13

Ma bo’or e mo’onyan’ nra tulufed ngar chuwgad u fithik’ e pi’in kar yinggad ngorad, ma bo’or e girdi’ ni yad bm’ar nra liyfed e gapgep nga dowrad ngar golgad.

Mark 7:32

Me fek boch e girdi’ be’ nib mo’on i yib ngak nib biling ma ba tagan e thin u l’ugun, miyad wenig ngak Jesus ni nge tay pa’ nga daken.

Mark 8:23

Me kol pa’ fare malmit i yan nga wuru’ fare binaw, me thuwag e nguboch ngalan mit me tay pa’ nruw raba’ nga daken me fith ni ga’ar, “Kam guy ban’en fa?”

Luke 13:13

Me tay pa’ nga daken fare pin ma ka chingiyal’ nem me k’iyag ir ngalang me yog e sorok ngak Got.

Luke 4:38

Me chuw Jesus u tafen e mu’ulung nge yan nga tafen Simon. Ma bay e chitiningin e en nleengin Simon nib m’ar nrib gel e gowel u daken, miyad yog murung’agen ngak Jesus.

Luke 4:40

Ma fa’ani aw e lumor, ma urngin e girdi’ ni bay e tafager rorad nib m’ar nra bagayad ma rogon e mit i m’ar ni bay rok e ra feked yad i yib ngak Jesus; me tay pa’ nga dakenrad ni yad gubin nge gol nagrad ko liliy rorad.

Luke 7:12

Ma nap’an ni yigi mada’ nga langan e garog ko fare binaw, me guy e girdi’ ni karbad ni ngranod ko gum’eyag. Ma re pagel ni ba’aram nike yim’ e bochi cha’ ni kari maagirag rok be’ ni bpin ni ku ke yim’ e pumo’on rok, ma bo’or e girdi’ ni kar uned ngak u lan e binaw i yib.

John 11:3

Me pi’ fa gali ppin ni walagen e thin nge yan ngak Jesus ni lungurow, “Somol, fare fager rom nrib t’uf rom e ke yib e m’ar ngak.”

Acts 28:8

Ma bay e chitamngin Publius u bet nib m’ar, nib gel e gowel u daken ma ba thum’iyal. Me yan Paul ngak nga senggil, me meybil me tay pa’ nga daken nge golnag.

Acts 6:6

Me fekrad fare ulung i yan nga p’eowchen e pi apostel, me tay e pi apostel pa’rad nga dakenrad ngar yibiliyed yad.

Acts 8:17

Ma aram me tay Peter nge John pa’row nga dakenrad, me yib fare Kan Nthothup ngorad.

Acts 9:12

mi ni piliyeg e changar rok Saul nge guy be’ nib mo’on ni Ananias fithingan nike yib nga naun ke yib i tay pa’ nga daken, ni fan e nge yag ni guy ban’en bayay.”

Acts 9:17

Ma aram me yan Ananias, nge yan ngalan fare naun nge yan i tay pa’ nga daken Saul. Me ga’ar, “Saul ni walageg, i Somol e ke l’oegeg — ni aram Jesus, ni ir e mu guy u daken e kanawo’ ko ngiyal’ ni ba’aram ni ga be yib ngaray. Ke l’oegeg ku gub ni fan e ngki yag ni mu guy ban’en me suguyem fare Kan Nthothup.”