Mark 5:2 - Bible Ni Thothup

² Ma nap’an ni chuw Jesus u daken e bowoch ngeb nga but’ me yib be’ nib mo’on ngak ni yib u lan e yiy ni yima chibgiliy e yam’ riy.

Mark 5:2 Iomraidhean Croise

Isaiah 65:4

Ra nep’ miyad yan ko yiy nge malangen e yam’ ni ngar fithed lanyan’ e thagith. Yad be longuy e babiy, ma yad be unum logowen e ufin ko gamanman ni maligach u daken e altar rok e pi’in ndar nanged gag.

Mark 1:23

Ka chingiyal’ nem me yib be’ nib mo’on nike ying ba mo’onyan’ ngak ngalan fare tafen e mu’ulung me tolul ni be ga’ar,

Mark 1:26

Me pingeg fare mo’onyan’ fare mo’on ngi i da’da’ nib gel, me tolul fare mo’onyan’ me chuw u fithik’ facha’.

Mark 3:30

(I yog Jesus ni aram rogon ni bochan e keyog boch e girdi’ nike lungurad, “Ke ying e mo’onyan’ ngak.”)

Mark 3:9

Pi girdi’ nem ni mu’ulung ngak Jesus e ri yad pire’, ma aram me yog Jesus ngak pi gachalpen ni ngar fal’eged rogon e bowoch, ni bochan e nge af nga daken nge siy kuni apniy.

Mark 4:1

Miki tabab Jesus bayay ko machib u to’oben e lipath nu Galile. Ma girdi’ ni mu’ulung ngak ni kar cholngobiyed e ri yad pire’, ma aram me af Jesus nga daken bbowoch ni bay u lan e lipath, me par u daken nga but’; me par fapi girdi’ ni aram urngirad u daken e binaw u dap’e ran.

Mark 4:36

Me ere ra paged fapi girdi’ ni aram urngin; me af pi gachalpen Jesus ko fare bowoch ni bay Jesus u lan ngranod. Ma ku bay yugu boch e bowoch u rom.

Mark 5:21

Me sul Jesus u bowoch nga baraba’ fare lipath. Me mu’ulung e girdi’ ni pire’ ni pire’ ngak u rom u to’oben e lipath.

Mark 5:3

Re mo’on nem e be’ nike ying ba mo’onyan’ ngak nma par u fithik’ e pi yiy ni ba’aram ni yima chibgiliy e yam’ riy; ndakuriy be’ ni ku rayag ni nge m’ag e chen ngak nge par.

Mark 5:8

(I yog e re bugithin ney ni bochan e be ga’ar Jesus ngak,” Mo’onyan’, moy nga wuru’ i downgin e cha’ney!”)

Mark 7:25

Me rung’ag be’ ni bpin murung’agen Jesus, ni be’ ni bpin nike ying ba mo’onyan’ ngak bochi pin ni fak, ma ka chingiyal’ nem me yib i paraw nga but’ u to’oben i ay Jesus.

Luke 8:27

Ma fa’ani af Jesus nga talang, me yib be’ nib mo’on ngak ni yib u lan e binaw nike ying e mo’onyan’ ni pire’ ngak. Nike n’uw nap’an ni be par ndariy e mad u daken, ma der par u tabinaw rok, ya ma par u lan e yiy ni yima chibgiliy e yam’ riy.

Luke 9:42

Ma nap’an ni be yib fare pagel ngak, me rin’ fare mo’onyan’ ban’en ngak nge aw nga but’ me margeynag. Me non Jesus ngak fare mo’onyan’ ni nge chuw u fithik’ fa’anem, me golnag fare pagel, me pi’ ngak e chitamngin.