Mark 5:13 - Bible Ni Thothup

¹³ Ma aram me pagrad. Me chuw fapi mo’onyan’ u fithik’ i downgin fa’anem mranod ra yinggad ngak fapi babiy. Ma fare ran’ i babiy ni gonap’an e yad l’agruw i biyu’ e ra milgad ngranod ra mulgad u taban bangi war ngalan fare lipath ngar limochgad.

Mark 5:13 Iomraidhean Croise

1 Kings 22:22

Me ga’ar SOMOL ngak, ‘Uw rogon ni ngam bannag?’ Me fulweg fare kan ni ga’ar, ‘Bay gu wan gu lifith l’ugunag u l’ugun urngin e pi profet rok Ahab.’ Me ga’ar SOMOL ngak, ‘Mman ngam bannag Ahab, ya rayag rom.’”

BABYOR NI JOB 1:12

Me ga’ar SOMOL ngak Satan, “Kefel’, ke milfan e urngin rok ngom, machane dab mu gad pa’am ngak.” Ma aram me yan Satan.

BABYOR NI JOB 2:6

Me ga’ar SOMOL ngak Satan, “Aram e ke mil fan ngom, kemus ni dab mu thang e fan rok.”

Matthew 7:6

“Dab mpi’ed ban’en nib thothup ngak e pilis ya kemus ni yad ra cheal ngar k’aded gimed; dab mon’ed e churuwo’ romed nni fek u lan l’ugun e yar nga p’eowchen e babiy, ya kemus ni yad ra yot’yot’.

Matthew 8:32

Me ga’ar Jesus ngorad, “Mmarod,” ma aram miyad chuw ngranod ra chuwgad nga fithik’ fapi babiy. Me mil fare ran’ i babiy ngranod ra mulgad u taban bangi war ngalan fare lipath ngar limochgad.

Mark 5:12

Me wenig fapi mo’onyan’ ngak Jesus ni be lungurad ngak, “Mu pagmad nggu warod ko pi babiy nem nggu yinggad ngorad.”

Mark 5:14

Me ere mil fa picha’ ni yad e ur gafaliyed fapi babiy, ngar wereged murung’agen u lan e binaw i yan nge yungi n’en ni yibe par riy yibe woldug. Me yan e girdi’ ngranod ra guyed e n’en nike buch.

John 8:44

Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

Revelation 20:7

Nap’an nra m’ay fare biyu’ i duw min pag Satan bayay u kalbus,

Revelation 9:11

Ma bay be’ ni ir e pilung rorad ni be yog e n’en ni ngar rin’ed, ni ir fare engel nib milfan fare abyss ngak. Ni fithingan nthin ni Hebrew e Abbadon; ma fithingan nthin ni Greek e Apollyon (ni fan e re ngachal ney e “En nma Kirebnag Ban’en”).