Mark 4:36 - Bible Ni Thothup

³⁶ Me ere ra paged fapi girdi’ ni aram urngin; me af pi gachalpen Jesus ko fare bowoch ni bay Jesus u lan ngranod. Ma ku bay yugu boch e bowoch u rom.

Mark 4:36 Iomraidhean Croise

Matthew 8:23

Me af Jesus nga bowoch, me un pi gachalpen ngak ngranod.

Mark 3:9

Pi girdi’ nem ni mu’ulung ngak Jesus e ri yad pire’, ma aram me yog Jesus ngak pi gachalpen ni ngar fal’eged rogon e bowoch, ni bochan e nge af nga daken nge siy kuni apniy.

Mark 4:1

Miki tabab Jesus bayay ko machib u to’oben e lipath nu Galile. Ma girdi’ ni mu’ulung ngak ni kar cholngobiyed e ri yad pire’, ma aram me af Jesus nga daken bbowoch ni bay u lan e lipath, me par u daken nga but’; me par fapi girdi’ ni aram urngirad u daken e binaw u dap’e ran.

Mark 4:37

Me yib e nifeng nrib gel ngorad ma be t’ar e n’ew ngalan e bowoch, nge chugur i sug e ran u lan e bowoch.

Mark 5:2

Ma nap’an ni chuw Jesus u daken e bowoch ngeb nga but’ me yib be’ nib mo’on ngak ni yib u lan e yiy ni yima chibgiliy e yam’ riy.

Mark 5:21

Me sul Jesus u bowoch nga baraba’ fare lipath. Me mu’ulung e girdi’ ni pire’ ni pire’ ngak u rom u to’oben e lipath.

Mark 6:32

Miyad af ngalan e bowoch ni go’ yad ngar leked bangi yan’ ndariy be’ riy.

Luke 8:22

Reb e rran me af Jesus nge pi gachalpen nga bowoch me ga’ar ngorad, “Ngdarod nga ba’nem e lipath.” Ma aram miyad yan.