Mark 3:7 - Bible Ni Thothup

⁷ Me chuw Jesus nge pi gachalpen ngranod u rom ko lipath nu Galile, me yib e girdi’ ni pire’ ngar uned ngak, ni go’ rabad u Galile, ngu Judea,

Mark 3:7 Iomraidhean Croise

Matthew 10:23

Ma ngiyal’ ni yad ra gafgow nagmed riy u reb e binaw, e ngam milgad nga reb e binaw. Ya nggog ngomed, ndabiyag ni gimed ra mu’nag e maruwel romed u lan gubin e binaw nu Israel u m’on ko ngiyal’ nra yib e en ni Fak e Girdi’ riy.

Matthew 12:15

Ma fa’ani rung’ag Jesus murung’agen ni kan puruy’nag ni ngan li’ ngem’, me yan nge chuw u rom; me un e girdi’ ngak ni pire’. Me golnag urngin e pi’in bay e liliy rorad,

Matthew 12:16

me motochiyel ngorad ndab rogned murung’agen ku be’;

Matthew 4:25

Ma pire’ ni pire’ e girdi’ ni yad be lek, nrabad u Galile, ngu lan fare gi nug ni Ragag e Binaw fithingan, ngu Jerusalem, ngu Judea, ngu lan fa gi binaw ni bay u ba’nem e lul’ ni Jordan.

Mark 1:39

Me yan u lan tafen e mu’ulung ni gubin u lan yu Galile, ni be machib ma be tuluf e mo’onyan’ rok e pi’in ke ying e mo’onyan’ ngorad.

Mark 1:45

Me yan ngi i weliy murung’agen i yan, ni aram tapgin ma dakiyag ni yan Jesus ngalan reb e binaw nga fithik’ e girdi’ ni yo’or. Mi i par Jesus ko yungi n’en ndariy e girdi’ riy, me mang girdi’ e ur bad ngak u gubin yang.

Mark 3:20

Me sul Jesus ko fare naun ni be par riy. Miki mu’ulung e girdi’ ni pire’ ni pire’ ngak ndaki pir’eg Jesus nge pi gachalpen ba ngiyal’ ni gomanga rayag ni ngar abichgad riy.

Mark 4:1

Miki tabab Jesus bayay ko machib u to’oben e lipath nu Galile. Ma girdi’ ni mu’ulung ngak ni kar cholngobiyed e ri yad pire’, ma aram me af Jesus nga daken bbowoch ni bay u lan e lipath, me par u daken nga but’; me par fapi girdi’ ni aram urngirad u daken e binaw u dap’e ran.

Luke 23:5

Machane miyad towasor ngak nike gel merin ni be lungurad, “Machib rok e be k’aring e wagey u fithik’ e girdi’. I tabab u lan yu Galile, me yan u lan yu Judea ni polo’, ma ke taw ngaray e chiney.”

Luke 6:12

Re ngiyal’ i n’em e yan Jesus nga daken bburey ni nge meybil, me par u rom ni reb e neap’ ni be meybil ngak Got.

Luke 6:17

Marbad e pi apostel u daken e burey nga but’, me yib i sak’iy Jesus nga daken e tagapas, ni yad boch i gachalpen ni pire’. Ma bay e girdi’ u rom ni pire’ ni pire’ nike mu’ulung, ni girdi’ ni yib u gubin yang u Judea, ngu Jerusalem, nge pi binaw nu Tyre ngu Simon nib chugur ko day;

John 7:41

Ma boch i yad e rogned ni lungurad, “I ir fare Messiah!” Machane boch i yad e lungurad, “Fare Messiah e dabi yib u Galile!

John 7:52

Miyad fulweg ni lungurad, “Ere mog, ku errogon gur ni mub u Galile? Ra mpoy e babyor nib thothup ma ga ra pir’eg riy ndariy reb e profet ni ka’a yib u Galile.”

Acts 17:10

Ma nap’an ni yigi neap’, ma pi walag ni aram girdi’en Kristus e ra l’oeged Paul nge Silas ngranow nga Berea. Ma fa’anra tawgow, miyow yan ngalan tafen e mu’ulung rok piyu Israel.

Acts 17:14

Ka chingiyal’ nem me l’oeg e pi walag ni girdi’en Kristus Paul nge yan ko gin nib chugur ko day, machane me par Silas nge Timothy u Berea.

Joshua 20:7

Ere ba’ ni ngal ko Jordan e ra mel’egged yu Kedesh u lan yu Galilee, ni go’ burey u lan yu Naftali, ngu Shekem ni go’ burey u lan yu Efraim, nge Kiriath Arba (ni aram yu Hebron) ni go’ burey u lan yu Judah.

Joshua 21:32

Mu tafen Naftali e dalip e binaw riy nni pi’ ngorad: Kedesh (ni reb fapi binaw ntagil’ e ayuw) u Galilee, Hammoth Dor, ngu Kartan, nge yungi flang ko pi binaw nem ni fan ko gamanman rorad.