Mark 2:5 - Bible Ni Thothup

⁵ Me guy Jesus gelngin e pagan’ rorad ngak, me ga’ar ngak fare mugutgut, “Fakag, ke m’ayfan e denen rom.”

Mark 2:5 Iomraidhean Croise

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

Psalms 103:3

Ma n’ag fan u wan’ urngin e denen rog mma faseg urngin e liliy nike yib ngog;

Isaiah 38:17

Buchbuchan’ rog e bayi pilyeg nge ngal’ ni gapas. Gur e ka mu ayweg e pogofan rog u fithik’ gubin e riya’; kamn’ag machan gubin e denen rog u wun’um.

Isaiah 53:11

U tomuren ba yafos ni gafgow ma bay ki felfelan’ bayay; bayi nang ni gafgow ni i tay e de yan i aw nib m’ay fan. I ir e tapigpig rog nib mat’aw; ni rigub felan’ ngak, gechig rok e girdi’ ni pire’ e bayi gafgow u tanggin, me ngongliyrad ngar manged girdi’eg ni yad ba mat’aw.

Matthew 9:2

Me fek boch e girdi’ be’ nike mugutgut i yib ngak, ni kan moleg nga daken e wormel. Me guy Jesus gelngin e michan’ rorad ngak Got, me ga’ar ngak fa’anem nib mugutgut, “Fakag, mpagan’um! Ke m’ayfan e denen rom.”

Matthew 9:22

Me cheal Jesus u luwan me guy fare pin, me ga’ar Jesus ngak, “Fakag, mpagan’um. Ya michan’ rom ngak Got e ke gol nigem.” Ka chingiyal’ nem me gol fare pin.

Matthew 9:5

Gur mmom ni nge lunguy, ‘Ke m’ayfan e denen rom,’ fa nge lunguy, ‘Mu sak’iy ngam man’?

Mark 2:6

Ma bay boch e tamchib ko Motochiyel ni kar pired nga but’ ko gin’em ni yad be fithrad u lanin’rad ni be lungurad,

Mark 5:34

Me ga’ar Jesus ngak, “Fakag, michan’ rom ngak Got e ke gol nigem. Mman nike pagan’um, ya kam gol ko m’ar rom.”

Luke 5:20

Ma fa’ani guy Jesus gelngin e pagan’ rorad ngak me ga’ar ngak fare mo’on, “Fager rog, ke m’ayfan e denen rom.”

Luke 8:48

Me ga’ar Jesus ngak, “Fakag, michan’ rom ngak Got e ke gol nigem. Mman nike pagan’um.”

John 2:25

Ma dariyfan ni nge weliy be’ murung’agen e girdi’ ngak Jesus, ya ri manang Jesus e n’en ni be leamnag e girdi’.

John 5:14

Ma fa’ani ta’aboch me pir’eg Jesus fare mo’on u lan e Tempel me ga’ar ngak, “Mu sap, chiney e kam gol ko liliy rom. Mpag e denen ni ga be rin’, ya ri yib ban’en ngom ni kab gel e gafgow riy.”

Acts 11:23

Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

Acts 14:9

Me motoyil ko thin ni be weliy Paul. Me guy Paul nike mich Jesus u wan’ nrayag ni ngan golnag ko m’ar rok, ma aram me changar Paul ngak

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

1 Korinth 11:30

Aram fan ni bo’or i gimed e ke m’ar ke me’waer, ma boch e ke yim’.

2 Korinth 2:10

Fa’an gimed ra n’ag fan u wun’med e n’en ke rin’ be’, ma ku er rogog ni ku gu n’ag fan u wun’ug. Ya fa’anra kug n’ag fan u wun’ug ban’en nib kireb, ma kug rin’ u p’eowchen Kristus ni bochmed,

Efesus 2:8

Yu daken e runguy rok Got ngodad e ir e ke thapegmed riy ngak, ni bochan e ke mich Jesus u wun’med. Gathi gimed e mmuruwliyed nge yag, ya ba tow’ath nike pi’ Got ngomed.

Kolose 3:13

Nge bigimed mi i ayuweg bigimed ko me’waer rok u fithik’ e runguy, mu um n’iged fan u wun’med e n’en ni manga ke kirebnag bigimed u laniyan’ bigimed ko re ngiyal’ i n’en ni bay ban’en nike dabuy bigimed nike rin’ bigimed ngak. Thingar um n’iged fan u wun’med e n’en nike rin’ bigimed ngak bigimed ni bod rogon nike n’ag Somol fan u wan’ e tin ni kam rin’ed nib togopluw ngak.

James 5:15

Re meybil ney ni yira tay u fithik’ e michan’ ngak Got e ra golnag fare m’ar; i Somol e ra chuweg e m’ar rok, ma pi denen nike ngongliy e ra n’ag Got fan.