Mark 2:26 - Bible Ni Thothup

²⁶ Ya yan ngalan e naun rok Got me kay e flowa ni kan pi’ ngak Got ni fa ngiyal’nem ni Abiathar e fare Prist ni Th’abi Ga’. Rogon ko Motochiyel rodad e kemus ni pi prist e rayag ni ngar ked e re flowa nem, machane me kay David, miki pi’ ngak e pi’in yad be un ngak.”

Mark 2:26 Iomraidhean Croise

2 Samuel 15:24

Ma bay Zadok ni prist rorad, ma bay e pi Levite ni kar uned ngak yad be fek fare Kahol Ko M’ag, miyad tay nga but’ nge yan i mada’ ko ngiyal’ nike chuw urngin fapi girdi’ u lan fare binaw. Ma ku bay Abiathar ni prist rorad.

2 Samuel 15:29

Ma aram me fek Zadok nge Abiathar fare Kahol Ko M’ag ngar fulwegew nga Jerusalem miyow par u rom.

2 Samuel 15:35

Ma fa gal prist ni Zadok nge Abiathar e yow bay u rom, mra um weliy ngorow urngin e tin ni ga be rung’ag u tafen e pilung.

2 Samuel 20:25

Me Sheva e ir e tayol u kort; me Zadok nge Abiathar e yow e prist,

2 Samuel 8:17

I Zadok nib mo’on ni fak Ahitub, nge Ahimelek nib mo’on ni fak Abiathar e yow e prist; me Serayah e ir e tayol,

1 Kings 1:7

Me non ngak Joab, ni Zeruyah e chitiningin, nge ngak Abiathar ni prist, miyow yog ngak ni bay ra unew ngak ko tin be leamnag.

1 Kings 2:22

Me fith fare pilung, ni ga’ar, “Mangfan ni ga be ning ngog ni nggu pi’ Abishag ngak? Ere kubfel’ ni kag ra ning ngog ni ngkug pi’ e liw ko pilung ngak. Yug rogon riy, ma ir walageg nib nganni’, me Abiathar ni prist nge Joab e yow bfol ngak!”

1 Kings 4:4

En nib ga’ ko salthaw: Benayah nib mo’on ni fak Jehoyada Prist: Zadok nge Abiathar

1 Kronicles 24:6

Fa pi’in owchen Eleazar nge Ithamar e u ra thilthilgad ko pow ni yibe girengiy ni nge duwgil ko mang e ngan rin’. Ma aram me yoloy i Shemayah nib mo’on ni fak Nethanel fithingrad nga but’, ni ir e tayol rok piyu Levi. Fare pilung nge pi tolang rok, nge Zadok ni prist, nge Ahimelek nib mo’on ni fak Abiathar, nge fa pi’in lolgen e tabnaw ko prist nge pi tabnaw rok e Levi, e go’ ra manged mich riy.

Matthew 12:4

I yan ngalan e naun rok Got, miyad kay e pi’in yad be un ngak fare flowa ni kan pi’ ngak Got, ni yugu aram rogon nib togopluw ko Motochiyel ni ngar ked e re flowa nem, ya kemus ni pi prist e rayag ni ngar ked.

Mark 2:25

Me fulweg Jesus ngorad ni ga’ar, “Dawor mbe’eged murung’agen e n’en ni rin’ David ko ngiyal’ ni dariy e ggan rok me yib e bilig ngak nge pi’in yad be un ngak?

1 Samuel 21:1

Me yan David i guy Ahimelek ni prist ni bay u lan yu Nob, me yib ngak David ni be t’on me ga’ar, “Mang ni ka mub ngaray ni go’ gur?”

1 Samuel 23:6

Nap’an ni mil Abiathar ni fak Ahimelek nge yan ngak David ngalan yu Keilah, me ke fek fare mad ni efod.

1 Samuel 23:9

Nap’an ni rung’ag David nike t’ar Saul liben ni nge cham ngak, me ga’ar ngak Abiathar ni prist, “Mfek fare efod i yib ngaray.”