Mark 2:12 - Bible Ni Thothup

¹² Ngiyal’ nem ni yad be changar ngak ni yad gubin, me sak’iy fare mo’on me fek e wormel rok nge yan nib gurgur. Mi yigo’o ra gin gad ko n’en nike rin’ Jesus ngak fa’anem, mi yigo’o rogned e sorok ngak Got ni be lungurad, “Dawor da guyed ban’en ni aray rogon bi’id!”

Mark 2:12 Iomraidhean Croise

Matthew 12:23

Me gin fapi girdi’ ni aram urngirad ngak. Miyad fith ni lungurad, “Gur i ir fa’anem ni Fak David?”

Matthew 15:31

Ma fa’ani guy fapi girdi’ nike welthin e pi’in nda i yag ni ngar uned ko numon, nge pi’in yad bmarwoth ni kar sulod nga rogorad, nge pi’in yad bmugutgut ni kar uned ko yan, nge pi’in yad bmalmit nike yag ni kar guyed ban’en miyad ngat ngay; ma aram miyad yog e sorok ngak fare Got nu Israel.

Matthew 9:33

Ma yugu nap’an ni tuluf Jesus fare mo’onyan’ nge chuw u fithik’ fa’anem, ma aram me un fare mo’on ko numon. Ma gubin e girdi’ nra gin gad ngak, me lungurad, “Dawor da guyed ban’en ni aray rogon u lan yu Israel!”

Matthew 9:8

Ma fa’ani guy e girdi’ ni aram rogon, miyad tamdag, miyad yog e sorok ngak Got ni bochan e ke pi’ gelngin ni aram rogon ngak e girdi’.

Mark 1:27

Mi yigo’o gin urngin e girdi’ ko n’en nike rin’ Jesus, miyad yog u fithik’rad ni lungurad, “Gur ren’ey e reb e machib nib be’ech? Cha’ney e bay mat’wun nrayag ni nge yog e n’en ni nge rin’ e mo’onyan’, miyad fol rok!”

Mark 2:11

“Be lungug ngom, mu sak’iy ngam fek e wormel rom ngam man nga tafnam!”

Luke 13:13

Me tay pa’ nga daken fare pin ma ka chingiyal’ nem me k’iyag ir ngalang me yog e sorok ngak Got.

Luke 17:15

Ma bagayad e fa’ani guy nike gol, me sul ni be pining e sorok ngak Got ni ba ga’ laman.

Luke 5:26

Mi yigo’o ra gin gad ngay! Me yib e tamdag ngorad nib gel, miyad yog e sorok ngak Got ni be lungurad, “Kad guyed e maang’ang e daba’!”

Luke 7:16

Ma gubin e girdi’ nra mudugdaggad, miyad yog e sorok ngak Got ni be lungurad, “Ke yib i m’ug reb e profet ni ba ga’ u fithik’dad!” Miki lungurad, “Ke yib Got ni nge thapeg e girdi’ rok ngak!”

John 7:31

Machane bo’or e girdi’ u fithik’ fapi girdi’ ni aram urngin ni mich Jesus u wun’rad, me lungurad, “Fa’anra yib fare Messiah, ma gur rayag ni nge ngongliy e maang’ang ni kab pire’ ko tin nike ngongliy e re mo’on ney?”

John 9:32

Ka nap’an ni sum e fayleng ma dawor nrung’ag ni ka’a ngongliy be’ owchen be’ nni gargeleg ma bmalmit ke guy ban’en;

Acts 4:21

Me ri motochiyel fare ulung ngorow nike el merin, nge mu’ mi ni pagrow. Ya dar pir’eged tapgin ni ngan gechig nagrow, ya urngin e girdi’ ni yad be pining e magaer ngak Got ni bochan fa’anem nike gol.