Mark 16:16 - Bible Ni Thothup

¹⁶ En nra michan’ ngay min tawfenag e ke thap ngak Got; ma en ni dabi michan’ ngay e kan turguy e gechig rok.

Mark 16:16 Iomraidhean Croise

Matthew 28:19

Ere mmarod ngak girdi’en e pi nam u gubin yang ngam pingeged yad ngar manged pi gachalpeg, mi gimed tawfe nagrad nga fithingan e Chitamangiy nge Fak nge fare Kan Nthothup,

Mark 1:15

ni be ga’ar, “Ke taw nga nap’an nnog, ma gagiyeg rok Got e ke chugur! Mpi’ed keru’med ko denen ni gimed be rin’ nge mich u wun’med e Thin Ni Bfel’ ni yib rok Got!”

Luke 8:12

Ma awoch ni wear u marichlen e kanawo’ u milay’ i yan e be yip’ fan e pi’in ni rung’ag e thin rok Got; me yib mo’onyan’ i fek fapi thin rok Got nge chuweg u lanin’rad, ya nge dabi mich e re thin nem u wun’rad nge dabiyag nra thapgad ngak Got.

John 20:31

Tiney e kan yoloy ni bochan e nge yag ni mich u wun’med ni Jesus e ir fare Messiah, ni fa’anem ni Fak Got, ni aram e u daken e re michan’ ney e ir e rayag e yafos riy ngomed u fithingan.

John 3:36

En nra mich u wan’ e en ni Fak Got e aram e keyag e yafos ndariy n’umngin nap’an ngak; ma en ni dabi fol rok e en ni Fak Got e dabiyag e yafos ngak, machane be par e damumuw rok Got u daken ndariy n’umngin nap’an.

John 3:5

Me fulweg Jesus ngak ni ga’ar, “Nggog e tin riyul’ ngom, ndariy be’ nrayag ni nge yan ko gin nsuwon Got ni fa’anra dab ni gargeleg ko ran nge fare Kan ni Thothup.

John 5:24

“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.

John 6:29

Me fulweg Jesus ngorad ni ga’ar, “Ba’aray e ren’en ni ba’adag Got ni ngam rin’ed: nge mich u wun’med e en nike l’oeg ke yib.”

John 6:35

Me yog Jesus ngorad ni ga’ar, “I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

John 6:40

Ya ba’aray e n’en ni ba’adag e Chitamag: ba’adag ni urngin e pi’in yad ra guy e en ni Fak me mich u wun’rad e aram e ke yag e yafos ndariy n’umngin nap’an ngorad; ma chirofen ni tomur ko rran e bay gu fasegrad ko yam’.”

John 8:24

Aram fan ni fa’an kugog ngomed ni bay mm’ad u fithik’ e denen romed. Bay mm’ad u fithik’ e denen romed ni fa’anra dabi mich u wun’med ni ‘Gag E En Ni Gag’.”

Acts 10:43

Urngin e pi profet nra weliyed murung’agen, ni i lungurad e urngin e pi’in nra mich Jesus u wun’rad e ra bagayad mra n’ag Got fan e denen rok u daken gelngin fithingan Jesus.”

Acts 13:46

Machane fin aram e welthin Paul nge Barnabas ndar rusgow ni be lungurow, “Ri dabisiy ni gimed e som’on ni ngan weliy e thin rok Got ngomed. Machane fa’anra kam n’iged, ma damur fineyed ni bay rogomed ni nge yag e yafos ndariy n’umngin nap’an ngomed, ma bay gu pagew gimed nggu warow ngak e pi’in gathi yad piyu Israel.

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Acts 2:41

Ma bo’or i yad e mich u wan’ e thin nike weliy ngorad, ma aram min tawfe nagrad; gonap’an e dalip i biyu’ e girdi’ ni mun ko re ulung rorad nem e chirofen nem.

Acts 22:16

Ere mang ni ka ga be son e chiney? Mu sak’iy ngan tawfe nigem ma ga wenig nigem nga fithingan nge chuweg e denen rom.’

Roma 3:6

Ri danga’! Fa’an mang e de mat’aw Got, me ere ra di’in me yag ni pufthinnag e fayleng.

Roma 4:24

Ya kani yoloy ni ku fan ngodad e pi’in bayi matha’eg Got ngodad ni kad mat’awgad, ni pi’in ke mich u wun’rad e cha’ ni ir e faseg e Somol rodad i Jesus ko yam’.

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

2 Thessalonika 2:12

Ma wenegan nra yib e urngin e pi’in nde mich u wun’rad fa tin riyul’, ma ke m’agan’rad ko denen e bay ni gechig nagrad.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 Peter 3:21

Re ran nem e be yip’ fan e tawfe, ma tawfe e be yip’ fan ni kam thapgad ngak Got e chiney, ma gathi bochan e alit u dowmed ni kan maluknag, machane bochan e tin kamogned ngak Got u fithik’ e tafinay ni bfel’. Tawfe e be yip’ fan ni kam thapgad ngak Got u daken e fos ko yam’ ni tay Jesus Kristus,

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”