Mark 16:10 - Bible Ni Thothup

¹⁰ Me yan Maria Magdalene nge yog ngak e pi’in ur cheaggad ngak Jesus ni ka yad be par nri kab kireban’rad ma yad be yor.

Mark 16:10 Iomraidhean Croise

Matthew 19:22

Ma fa’ani rung’ag fare mo’on ni kab pagel e re bugithin nem me yan nike kireban’, ya rib pire’ ban’en rok.

Matthew 24:30

Ma aram e bayi m’ug e pow ko en ni Fak e Girdi’ u lanelang; ma aram e urngin e ganong nu fayleng ni bay ra yorgad, ma bay ra guyed e en ni Fak e Girdi’ ni be yib nga but’ u daken e manileng ni bay gelngin ma rib galgal ram’en.

Matthew 9:15

Me fulweg Jesus ni ga’ar, “Gimed be finey ni pi’in kan piningrad ni ngarbad ko madnom ko mabgol e ngar pired nib kireban’rad ni n’umngin i nap’an ni bay rorad fare mo’on ni ir e ngan ngongliy e mabgol rok? Bmuduwgil ni danga’! Machane bay ba ngiyal’ ni bayi taw ngay ni bay ni fek fare mo’on ni ir e nge mabgol ngan chuweg rorad, ma aram e bay ur paged e abich.

Mark 14:72

Ma kachingiyal’ nem me chochol ba nimen, ni aram e yay ni gaman e l’agruw yay ngay, me yib ngan’ Peter e n’en ni yog Jesus ngak ni ga’ar, “Ra dawori chochol e nimen ni nga l’agruw yay, ma dalip yay ni bay mog nda mu nangeg.” Ma aram e dakiyag ni nge k’adan’, me yor.

Luke 24:17

Me ga’ar Jesus ngorow, “Mang e gimew be weliy murung’agen ni fa’ani gimew be yib?” Miyow duwgil nike m’ug u owcherow nike kireban’row.

John 16:6

Me ere chiney ni kug weliy ngomed e ke taganan’med.

John 20:18

Ma aram me yan i weliy Maria Magdalene ngak pi gachalpen Jesus nike guy Somol, ma ke weliy Somol e re bugithin ney ngak.