Mark 15:34 - Bible Ni Thothup

³⁴ Ma nap’an ni dalip e kolok me non Jesus nri ba ga’ laman ni be ga’ar, “Eloi, Eloi, lema sabachthani?” ni fan e pi thin ney e be ga’ar, “Got rog, Got rog, mangfan ni kam n’igeg?”

Mark 15:34 Iomraidhean Croise

Psalms 22:1

Got rog, Got rog, mang ni kam n’igeg? Kari gu wenig ngom u fithik’ e gel’gel’ ni ngam ayuwegneg, ma ka dawori taw e ayuw rom ngog!

Psalms 27:9

dab mu mith rog! Dab mu damumuw ngog; dab mu n’ag e tapigpig rom. I gur e um ayuwegneg; dab mu pageg, dab mu n’igeg. I gur Got, ni ta’ayuw rog!

Psalms 42:9

I Got, ni ir e be yoror rog, e ke lungug ngak, “Mang ni kam pag talig? Mang nthingar ug gafgow ko kireb nib gel ni be tay e pi to’ogor rog ngog?”

Psalms 71:11

Yad be ga’ar, “Ke n’ag Got e cha’nir; are da leked ngad koled, ya dariy be’ nra ayuweg.”

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

Lamentations 1:12

Be yor ngak gubin e pi’in yad be yan u to’oben, “Musap ngog, Dariy be’ ni ka’eta’ ba amith ni bod e birog e amith, Nib amith ni SOMOL e kefek nga dakenag ko fa ngiyal’ nike damumuw.

Lamentations 5:20

Mangfan ni ar fini n’uw nap’an ni kam fek owchem romad? Mog kagmad ra yib ngan’um bingyal’?

Daniel 9:21

Nap’an ni gu be meybil, me Gabriel ni fa’anem ni ka’ag guy ko fa yanem ni pilyeg e changar rog, nike changeg i yib nga but’ ko gin gu bay riy. Ni aram e ngiyal’ ni yima pi’ e maligach ni blayal’.

Matthew 27:45

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Matthew 27:46

Ma gonap’an e ke dalip e kolok me non Jesus nri ba ga’ laman ni be ga’ar, “ Eli, Eli, lema sabachthani?” ni fan e pi thin ney e be ga’ar, “Got rog, Got rog, mangfan ni kam n’igeg?”

Mark 15:25

Ke mereb e kolok ni kadbul miyad richibiy ko kuruth.

Mark 15:35

Ma boch fapi girdi’ ni yad bay u rom e rrung’aged laman me lungurad, “Mu telmed, ya be pining Elijah!”

Luke 23:44

Gonap’an e ragag nge l’agruw e kolok me m’ay ram’en e yal’ ngabang me neap’ u daken e re nam nem ni polo’ nge yan i mada’ ko dalip e kolok ni mithig yal’;

Luke 23:46

Me non Jesus nri ba ga’ laman ni ga’ar, “Chitamag! Kug pag fag ngom!” I yog e re bugithin ney me aw e fan rok.

Acts 10:3

Gonap’an e dalip e kolok ni mithig yal’ mi ni piliyeg e changar rok, nge guy ba engel rok Got nike yib nga naun nge yib i ga’ar ngak, “Kornelius!”

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.