Mark 15:32 - Bible Ni Thothup

³² Mmarow ngad guyed fare Messiah ni ir e pilung nu Israel ni nge luw u kuruth nga but’ e chiney, me michan’dad ngak!” Ma ku errogon fa gali cha’ nni chagiyrow ngak Jesus ngan kuruthnagrow ni rognew e thin nib kireb ngak Jesus.

Mark 15:32 Iomraidhean Croise

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Zefaniah 3:15

I SOMOL e ke taleg e gechig romed; ir e ke chuweg e pi to’ogor romed ni gubin. I SOMOL, ni fare pilung nu Israel e be par romed; ere dakuriy tapgin ni ngam rusgad e chiney.

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Matthew 1:17

Ere ragag nge aningeg e mfen ko ba’ ni matam, ni chitamangiy nge pifakay ni pumo’on ni mus rok Abraham nge yib i mada’ ngak David, ma ragag nge aningeg rok David nge yib i mada’ ko ngiyal’ nni fek e girdi’ riy nga Babylon, ma ragag nge aningeg ko ngiyal’nem nge yib i mada’ ko ngiyal’ nni gargeleg fare Messiah riy.

Matthew 27:42

“Ke ayuweg e pogofan rok boch e girdi’, ma dabiyag ni nge ayuweg e birok’ e pogofan! Gathi ir fare pilung nu Israel? Fa’anra luw ko re kuruth nem nga but’ e chiney, mra michan’dad ngak!

Matthew 27:44

Me mus ngak fa gali moro’ro’ ntacham ni fa’an nni unegrow ngak ngan kuruth nagrad ni ku aram rogon e thin nib kireb nrognew ngak.

Mark 15:26

Ma n’en nni yoloy nga daken e kuruth rok ni kanog ni ir e ba togopluw ngak e ga’ar, “Pilung rok piyu Israel.”

Mark 15:27

Mu ku yad richibiy l’agruw i moro’ro’ ntacham nga l’agruw i kuruth, ni bagayow nga ba’ ni mat’aw rok Jesus, ma bagayow nga ba’ ni gilay’ rok.

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

John 12:13

Ma aram miyad th’ab yuwan e fal’tir ngranod i yan nga wuru’ e binaw ni ngar mada’gad Jesus ni yad be tolul ni be lungurad, “Ke sorok Got! I Got e nge ayuweg e en ni ir e ke yib ni owchen Somol! I Got e nge ayuweg e en ni pilung nu Israel!”

Roma 3:3

Ma fa’anra bay boch i yad nde yul’yul’? Gur ma aram e dabki yul’yul’ Got?

2 Timothy 2:18

Kar pagew kanawo’en e tin nib riyul’ e thin yow be kirebnag rogon nib mich Kristus u wan’ boch e girdi’ ni bochan e yow be yog ni ka ni mu’ i faseg e yam’.