Mark 14:7 - Bible Ni Thothup

⁷ Ya pi’in gafgow e gubin ngiyal’ ni yad bay romed, ndemturug e ngiyal’ ni gimed ba’adag mrayag ni ngam ayuweged yad. Machane gag e gathi gubin ngiyal’ ni bay ug par romed.

Mark 14:7 Iomraidhean Croise

Matthew 26:11

Ya gubin ngiyal’ ma bay e pi’in gafgow romed, machane gag e gathi gubin ngiyal’ ni bay ug par romed.

Mark 14:6

Machane me ga’ar Jesus, “Mu digeyed e cha’nir! Mangfan ni gimed be kirebnag laniyan’? Ya n’en nike rin’ e cha’nir ngog e rib fel’.

John 13:33

Pifakag, dabki n’uw nap’an mu gu pagmed. Bay um gayed gag; machane nggog ngomed e chiney e n’en ni kugog ngak piyu Israel ni fa’an ke lungug ngorad, ‘Dabiyag ni ngam marod ko gin ni bay gu wan ngay.’

John 16:28

Ku gub rok e en ni Chitamangiy ngaray nga fayleng; me ere chiney e bay gu chuw u roy u fayleng nggu sul ngak e en ni Chitamangiy.”

John 16:5

Machane chiney e nggu wan ngak e en nike l’oegeg ku gub; machane dariy bigimed nike fitheg ni ga’ar, U uw e ngam man ngay?

John 17:11

Ere chiney e bay gub ngom; ni aram e kug chuw u fayleng, machane yad e ka yad bay u fayleng. Chitamag ni gab thothup! Mu yororiyrad nga gelngin fithingam, ni fare ngachal ni kam tunguy ngog, nge yag nra pired ni kar ta’rebgad ni bod rogon gur nge gag ni gadow ba ta’reb.

Acts 3:21

Thangri par u lan e tharmiy nge yan i mada’ ko ngiyal’ ni nge thiliyeg Got urngin ban’en riy nge be’echnag, ni bod rogon nike weliy Got kakrom u l’ugun e pi profet rok nib thothup.

Deuteronomy 15:11

Gubin ngiyal’ ma dabisiy ni bay boch e girdi’ nu Israel nib gafgow ni bay e tin ba t’uf ni nge yag ngorad, ere gu be taychiylen ngomed ni ngu’um golgad ngorad.

Filemon 1:7

T’ufeg rom, i gur walageg ni gab t’uf rog, e ba gel e felfelan’ nike pi’ ngog, ma ba ga’ e athamgil nike pi’ nga lanin’ug! Ya kam pi’ e felfelan’ nga laniyan’ urngin e pi’in girdi’en Got.