Mark 14:50 - Bible Ni Thothup

⁵⁰ Ma aram ma urngin fa pi’in gachalpen miyad pag ngar milgad.

Mark 14:50 Iomraidhean Croise

Psalms 38:11

Pi fager rog nge pi’in gamad buguliyoror e dakrir chugurgad ngog, ni bochan e malad rog; mus ngak chon e tabnaw rog ni ka ra pired u orel rog.

Psalms 88:18

Mus ko pi fager rog th’abi chuchugur ma kam gagiyegnag e kar n’igedgag, kemang lumor e ku gu chagil gow.

Isaiah 63:3

Me fulweg SOMOL ni ga’ar, “U gotgot e pi nam ni bod ni yima rin’ ko grape, ma dariy be’ ni yib ni nge ayuwegneg. U gotgot’rad u fithik’ e damumuw rog, ma racha’ rorad e ke wear nga daken e mad rog ni ga’ngin.

Mark 14:27

Me ga’ar Jesus ngorad, “Gimed gubin ni bay mmilgad ngam paged gag, ya ke ga’ar e babyor nib thothup, ‘Bayi li’ Got e en nma gafaliy e saf ngem’, ma bayi wear fapi saf ni urngin.’

Mark 14:49

Ke yo’or e rran ni ug moy romed u lan e Tempel ni ug machib, ma da mu koled gag. Machane thangri yib i m’ug nib riyul’ e tin nike yog e babyor nib thothup.”

Mark 14:51

Ma bay be’ nib pagel nike chuw nga ba mad nib wechwech ni be un u dakenrad be guy Jesus. Miyad guy rogon ni ngar koled,

John 16:32

Bay ba ngiyal’ ni bay yib, nike taw e chiney, ni ireram e ngiyal’ ni bay mu wergad, nge bigimed me yan nga tafen, mi gimed pageg nggu par ni go’ gag. Machane gathi go’ gag ni bay gu wan gu par, ya en ni Chitamangiy e bay rog.

John 18:8

Me ga’ar Jesus, “Ke m’ay i yog rog ngomed ni gag ir, fa’anra i gag e gimed be gayeg, me ere mpaged e tin ni ba’aray e girdi’ ngranod.” (

2 Timothy 4:16

Dariy be’ ni ayuwegneg ko yay nsom’on ni gu ayuwegneg u tafen e pufthin; ya yad urngin nra paged gag. Mang e yigi runguyrad Got nge n’ag fan u wan’!