Mark 14:31 - Bible Ni Thothup

³¹ Me fulweg Peter ni kari micheg ni be ga’ar, “Mus ni fa’anra nggu un ngom ko yam’, ma ri dab gog nda gu nangem!” Ma urngin pi gachalpen Jesus nrogned ni aram rogon.

Mark 14:31 Iomraidhean Croise

1 Kings 11:22

Me fith fare pilung, ni ga’ar, “Ni mangfan? Mog, kabay ban’en ndawori yag ni gu pi’ ngom? Ere aram fan ni ga ba’adag ni ngam sul nga tafnam?” Me fulweg Hadad lungun fare pilung, ni ga’ar, “Kemus ni ngam pageg nggu wan.” Ma aram me sul ko nam rok.

2 Kings 8:13

Me fith Hazael ni ga’ar, “Ra di’in me er fanag gel? Ya gag be’ ni dariy rogog!” Me fulweg Elisa ni ga’ar, “Ke dag SOMOL ngog ni bay mmang pilung nu Syria.”

Psalms 30:6

I pagan’ug me lungug u wun’ug, “Ri dakuriy bi’id ni gu ra waer.”

Exodus 19:8

Me fulweg fapi girdi’ ni gubin nta’abyay ni lungurad, “Bay gu rin’ed urngin e tin keyog SOMOL.” Me weliy Moses e tin keyog fapi girdi’ ngak SOMOL.

Proverbs 16:18

Tolngan’ e be sor i yan ko riya’, ma ufanthin e be sor i yan ko gin yira mul riy.

Proverbs 18:24

Boch e pi tafager e der ma par thilrad ni bfel’ nib n’uw nap’an, ma boch e pi tafager e ka ba gel farad yul’yul’ ngak e walag.

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Jeremiah 10:23

SOMOL, gu manang ni dariy bagmad ni ir e ga’ ko gin nge sor e yafos rok ngay; dariy be’ ni bay gafan e yafos rok u pa’.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Matthew 10:33

Machane en nra weliy u fithik’ e girdi’ ni gathi ir reb i girdi’eg e aram rogon ni gu ra weliy u p’eowchen e Chitamag u tharmiy, ni fa’anem e gathi reb i girdi’eg.

Mark 10:39

Miyow fulweg ngak ni lungurow, “Rayag romow.” Me ga’ar Jesus ngorow, “Ri bay mu unumew e n’en ni bay ko fare kap nthingar gu unum min tawfe nagmew ni bod rogon nthingar ntawfe nigeg.

Mark 14:30

Me ga’ar Jesus ngak Peter, “Mu tay fanamiyan ko re bugithin ney! Neap’ ney ndawori chochol e nimen nl’agruw yay, ma dalip yay ni bay mog nda mu nangeg.”

Mark 14:32

Marbad ngabangi binaw nike lunguy yu Gethsemane, me ga’ar Jesus ngak pi gachalpen, “Mpired u roy nga but’ nggu wan gu meybil.”

Luke 23:23

Machane miyad par ni yad be tolulnag ngak nike musmus mam’ungun i lamrad ni be lungurad ngan richibiy Jesus ko kuruth; me munmun me mang e tin ni yad be tolulnag e ni fanay.

John 13:37

Me fith Peter ni ga’ar, “Somol, mangfan ndabiyag ni nggu un ngom e chiney? Gu ra pi’ e pogofan rog ni fan ngom!”