Mark 13:7 - Bible Ni Thothup

⁷ Ma ngiyal’ ni gimed ra rung’ag lingan e mael nib chugur nge murung’agen e mael nib orel, ma dab mu rusgad; ya pin’ey e thangri yib, machane gathi fan e pin’ey e aram e ke taw nga tungun.

Mark 13:7 Iomraidhean Croise

2 Samuel 14:14

Gadad gubin ni go’ bay da m’ad; gadad bod e ran nike map’ nga daken e but’, ni dabkiyag i kunuy bayay. Mus ngak Got ma de faseg e pi’in karm’ad, machane en pilung e ra gonpiy rogon reb i kanawo’en me sul be’ ni pumo’on ni ba’ u bang ni bod ba kalbus.

Psalms 112:7

Der marus nra rung’ag e tin ke buch ban’en; ba gel e michan’ rok, mma pagan’ ngak SOMOL.

Psalms 27:3

Ni yug ra longobiyeg baraba’ i salthaw, ma dab gu rus; ni ku yad ra cham ngog, ma gu ra par ni kab pagan’ug ngak Got.

Proverbs 3:25

Ma dabi magfan’um ko riya’ nra yib nib tomgin, ni bod e tin ma yib ko pi’in kireb ni bod bang i lang.

Isaiah 8:12

“Dab mu’un ko tin be puruy’nag e girdi’ ni ngar rin’ed ma dab mu rus ko pin’en ni yad be rus ngay.

Jeremiah 51:46

Dabi mulan’med ara mu rus gad ni bochan e tin kam rung’aged. Gubin e duw ma yug reb e thin e be wear ni murung’agen e wodmang u lan binaw nge pilung ni be togopluw reb nga reb.

Matthew 18:7

Ke gafgow e girdi’ nu fayleng ni bo’or ban’en ni bay riy nma waliy e girdi’ ngar pi’ed keru’rad ngak Got! Pin’ey nma waliy e girdi’ ngar pi’ed keru’rad ngak Got e gubin ngiyal’ ni bay i yib — machane ri bayi gafgow e en ni ir e tabolngin e pin’em!

Matthew 2:3

Ma fa’ani rung’ag Herod ni Pilung ni aram rogon me rus, ma ku errogon urngin e girdi’ nu Jerusalem.

Mark 13:6

Bo’or e girdi’ ni bay rabad ni yad be fek fithingag nra bagayad ma be ga’ar e ir gag, ma bo’or e girdi’ ni bay ra ban niged.

Mark 13:8

Ya bayi reb e nam me cham ngak reb e nam, ma gin nsuwon reb e pilung e bayi mael ko gin nsuwon reb e pilung. Ma bo’or yang ni bay i yib e durru’ riy, ma bo’or e nam ni bay yib e uyongol riy. Pin’ey e bod e bin som’on e amith nma yib ngak be’ ni nge gargel.

John 14:1

Me ga’ar Jesus ngorad, “Dabi magafan’med ma dabi wagagey lanin’med. Nge mich Got u wun’med, mu kug mich u wun’med.

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

Acts 17:3

ni be weliy fan ngorad ma be dag ngorad u lan e babyor nib thothup ni fare Messiah e thangri gafgow nge mu’ min faseg ko yam’. Miki ga’ar ngorad, “Aney i Jesus ni ir e kug weliy murung’agen ngomed, e ir e re Messiah nem.”