Mark 13:27 - Bible Ni Thothup

²⁷ Ma bayi l’oeg e pi engel rok ngar kunuyed girdi’en Got nike mel’eg Got u lan e aningeg yangi n’en u fayleng ni ir e ma thow e nifeng riy u baraba’ e fayleng nge yan i mada’ nga baraba’.”

Mark 13:27 Iomraidhean Croise

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Isaiah 65:9

Bay gu tow’athnag puyu Israel, ni pi’in nib mu’un ko ganong rok Judah, ma pi’in owchrad e bayi milfan e pi burey rog ngorad. Girdi’ rog ni gu mel’eg, ni yad ma pigpig ngog e bay ra pired u rom.

Zekariah 2:6

I ga’ar SOMOL ko girdi’ rok, “Gu werweregmed u gubin yang. Machane chiney e gimed e pi kalbus e kam thay gad u Babylon kam sulod nga Jerusalem.

Matthew 12:42

Chirofen nra pufthinnag Got e girdi’ e ra sak’iy fare pin nib pilung ni fa’ani yib ko yimuch, nge yog ni gimed ba kireb, ni bochan e liyeg baraba’ e fayleng ni be lek Solomon ni nge motoyil ko machib rok ni bay e llowan’ riy; ma nggog ngomed ni bay ban’en u roy ni ka ba ga’ ngak Solomon!

Matthew 13:41

en ni Fak e Girdi’ e bayi l’oeg e pi engel rok ngar kunuyed urngin e pi’in yad be waliy e girdi’ ngar denengad, nge urngin e pi’in yad be ngongliy e kireb ni kar maathukgad nga fithik’ e pi’in Got e be gagiyeg nagrad,

Matthew 13:49

Ireray e n’en ni yira rin’ u tomuren e fayleng: pi engel e bay ranod ngar kunuyed urngin e girdi’ ni kireb ni bay u fithik’ e girdi’ ni bfel’,

Matthew 24:22

Machane ke lichnag Got e pi rran nem; ya fa’an mang e dabi rin’ ni aram rogon, ma dariy be’ nra fos. Machane bayi lichnag Got e pi rran nem ni bochan e pi’in girdi’en nike mel’egrad.

Matthew 24:24

Ya bayi m’ug boch e Messiah nge profet ni yigo’o bogi ban’en; ma bay ur ngongliyed e maang’ang nge bogi n’en ni yira ngat ngay, ni bochan e fa’an mang e rayag miyad bannag e pi’in girdi’en Got ni Got e ke mel’egrad.

Matthew 24:31

Ma fare rappa ni ba ga’ lungun e bay non, ma aram e bayi l’oeg e engel rok ko fa aningeg yangi n’en u fayleng nma thow e nifeng riy, ma aram miyad kunuy e girdi’ rok nike mel’egrad u baraba’ e fayleng nge yan i mada’ nga baraba’.

Mark 13:20

Machane ke lichnag Somol e pi rran nem; ya fa’an mang e dabi rin’ ni aram rogon ma dariy be’ nra fos. Ni bochan e pi’in girdien Got nike mel’egrad, ma ke lich nag e pi rran nem.

Mark 13:22

Ya bayi m’ug boch e Messiah nge profet ni yigo’o bogi ban’en. Ma bay ur ngongliyed e maang’ang nge bogi ban’en ni yira ngat ngay ni bochan e fa’an mang e rayag miyad bannag e pi’in girdi’en Got ni Got e ke mel’egrad.

Mark 13:28

“Ba’aray ban’en ni ngam nanged rok e gek’iy ni fig. Ngiyal’ nra galunglung papa’ngin ma ke mirerey, me tabab yuwan ko puf, ma aram e kam nanged nike chugur ni nge taw ngal’an e gowel.

Luke 16:22

Me yim’ fare mo’on nib gafgow me yib e pi engel ra feked i yan nga baraba’ i to’oben Abraham ko mur u tharmiy; me yim’ fare mo’on ni pire’ ban’en rok min k’eyag.

Luke 18:7

Gimed be finey ma dabi turguy Got e tin ni ir e bmat’aw nra fel’ rogon e tirok’ e girdi’ riy ni pi’in yad be wenig ngak ni rran nge neap’ ni nge ayuwegrad? Gimed be finey ma ba sowath nra ayuwegrad?

John 10:16

Bay yugu boch e saf ni saf rog, machane dar moyed u fithik’ e tiney e saf. Ere thingar kug fekrad i yib; ya bay ra matealgad nga lungug, miyad peth ko tiney ngar pired nta’ab ran’ i saf ma ta’abe’ e be gafaliyrad.

John 11:52

ni gathi kemus ni go’ yad e fan ngorad, machane ku fan e ngan ta’ab girdi’nag urngin pifak Got ni yad ba wear u fayleng.)

Roma 8:33

Ere mini’ e en nra yog nib kireb e rok e pi’in ke mel’egrad Got? Ya Got e ir e keyog nde kireb e rorad!

Deuteronomy 30:4

Ni yug aram rogon ni weregmed ko yungin th’abi orel u fayleng, me SOMOL ni Got romed e bayi kunuymed nge fulwegmed,

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.

2 Thessalonika 2:1

Ere rogon e wub nra tay e Somol rodad i Jesus Kristus nge rogon ni yira ulunguydad ngak e gu be wenignag ngomed, pi walageg ni girdi’en Kristus,

2 Timothy 2:10

ireray fan ni gu be k’adan’ug u urngin ban’en ni bochan e pi’in girdi’en Got ni Got e ke mel’egrad, ni bochan e ku er rogorad ni manga ra uned ko thap ngak Got u daken Kristus Jesus, miyad un ko fla’ab ndariy n’umngin nap’an.

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.