Mark 13:12 - Bible Ni Thothup

¹² Ya girdi’ e bay ra pi’ed e pi walagrad ni pumo’on ni ngan thang e fan rorad, ma pi chitamangiy e ku eram e n’en ni bay rrin’ed ngak pifakrad; ma bitir e bay ra chealgad ngar togopluwgad ngak e gallibthir rorad miyad pi’ e gallibthir rorad ngan thang e fan rorad.

Mark 13:12 Iomraidhean Croise

Ezekiel 38:21

Bay gu k’aring e marus ngak Gog ko urngin e pin’en ni yima rus ngay. I Gag SOMOL ni Th’abi Tolang e gu be non. Pi salthaw rok e bay i mang yad e ra chealgad ngar yip’ed e saydon rorad ngorad.

Matthew 10:21

“Ma girdi’ e bay ra pi’ed pi walagrad ni pumo’on ni ngan li’rad ngarm’ad, ma pi matam e ku ireram e n’en ni bay rrin’ed ngak pifakrad; ma bitir e bay ra togopluwgad ko matam nge matin rorad ngar pi’ed yad ngan li’rad ngarm’ad.

Matthew 24:10

Ma bo’or e girdi’ e bay dab kug mich u wun’rad e re ngiyal’ i n’em; ma bayi bagayad me yagnag bagayad, ma bayi bagayad me fanenikay bagayad.

Mark 13:11

Ma ngiyal’ ni yad ra kolmed ngar feked gimed ngalan tafen e pufthin e dab mu rusniged e tin ni nga mogned; ya bay taw ko ngiyal’nem mi gimed yog e tin nike pi’ Got ngomed ni nga mogned. Ya thin ni bay umogned e gathi thin romed, ya thin ni bayi pi’ fare Kan Nthothup ngomed.

Mark 13:13

Ya gubin e girdi’ ni bay ra fanenikayed gimed ni bochag. Machane en nra athamgil nge mada’ ko tomur e rayag e yafos ngak.”

Luke 21:16

Ma bayi yag nagmed e gallibthir romed, nge pi walagmed ni pumo’on, nge pi’in girdi’ romed, nge pi tafager romed; ma bay ra thanged e fan rok boch i gimed.