Mark 12:17 - Bible Ni Thothup

¹⁷ Ma aram me ga’ar Jesus ngorad, “Fa’anra errogon me ere mpi’ed ngak e Emperor nu Roma e tirok’ ban’en, mi gimed pi’ ngak Got e tirok’ Got ban’en.” Me ri yad ngat ngak.

Mark 12:17 Iomraidhean Croise

Proverbs 23:26

Fakag, mu uthum e lim ngog, ma ga folwok rog.

Proverbs 24:21

Fakag, mu digow ngak SOMOL ma ga tayfan e pilung. Ma dab mu’un nga ban’en nma rin’ e pi’in nma togopluw ngorow;

Malaki 1:6

I SOMOL ni Gubin ma Rayag Rok e be ga’ar ngak e pi prist, “Pi’in bitir e yad ma liyor ko gal labthir rorad, nge pi tapigpig e yad ma liyor ko pi masta rorad. I gag e chitamangimed, ere mangfan ni damur liyorgad ngog? Dubmed gag, ma ke chiney ma gimed be fith ngog ni gimed be ga’ar, ‘Uw rogon ni dubmad gur?’

Matthew 22:21

Miyad fulweg ni lungurad, “ Emperor nu Roma.” Ma aram me ga’ar Jesus ngorad, “Ere mpi’ed ngak e Emperor e tirok’ ban’en, mi gimed pi’ ngak Got e tirok’ ban’en.”

Matthew 22:22

Ma fa’an rrung’aged e re bugithin ney, me ri yad gin ngak miyad pag ngranod.

Matthew 22:33

Ma fa’ani rung’ag fapi girdi’ ni aram urngirad e re bugithin nem miyad ngat ngak ngarogon e machib nike tay.

Matthew 22:46

Ma dariy be’ ni yag rok ni nge pi’ ta’ab bugithin ni fulweg ko fapi thin ni yog Jesus, ma ka rofen nem i yan ngam’on e daki ga’aran’ be’ ni ngki fith boch e thin ngak.

Matthew 8:10

Ri gin Jesus ko re bugithin ney ni rung’ag, me ga’ar ko fapi girdi’ ni yad be un ngak, “Nggog ngomed, ndawor gguy be’ u Israel nrib mich Got u wan’ ni bod gelngin nib mich Got u wan’ e cha’ney.

Mark 12:16

Miyad fek reb i yib ngak me fithrad ni ga’ar, “Mini’ e ya’an owchen nge fithingan e ba’aray riy?” Miyad fulweg ngak ni lungurad, “ Emperor nu Roma.”

Mark 12:30

Thangri t’uf rom Somol, ni ir e Got rom, u polo’ i gum’ircha’em, ngu polo’ i lanin’um, ngu polo’ i leam rom, ngu polo’ i gelngim.

Luke 20:25

Miyad fulweg ni lungurad, “ Emperor nu Roma.” Ma aram me ga’ar Jesus ngorad, “Ere mpi’ed ngak e Emperor nu Roma e tirok’ ban’en, mi gimed pi’ ngak Got e tirok’ Got ban’en.”

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

Roma 13:7

Ere mpi’ed e salpiy ni ngam pi’ed ngorad, ni urngin e tax ni yima pi’, mi gimed liyor ngorad mi gimed tay farad ni yad gubin.

Roma 6:13

Ma thingar dab kum paged fan bang u dowmed ngak e denen ni ngan maruwel ngay ni fan ko tin nib kireb. Machane ngam pi’ed gimed ngak Got, ni bod rogon e girdi’ ni kan chuwegrad ko yam’ kan fekdad ko yafos, mi gimed pi’med nge tafinay romed ni polo’ ngak ngan maruwel ngay ni fan ko tin nib mat’aw.

1 Peter 2:17

Mi gimed tayfan urngin e girdi’, ma nge t’uf romed e picha’ ni gimed nike mich Got u wun’rad, nge yib madgun Got u wun’med, mi gimed tayfan e en ni ir e Emperor ni ga’.