Mark 11:22 - Bible Ni Thothup

²² Me fulweg Jesus ngorad ni ga’ar, “Mu ted fanmediyan ko re bugithin ney! Fa’anra mmich Got u wun’med

Mark 11:22 Iomraidhean Croise

2 Kronicles 20:20

Me yan i kakadbul riy me yan fapi girdi’ nga daken e ted u charen yu Tekoa. Nap’an ni aram e kar tababgad ko yan ma ba’aray e pi thin ni yog Jehoshafat ngorad: “Gimed e girdi’ nu Judah ngu Jerusalem! Mu ted e pagan’ romed nga daken SOMOL ni Got romed, ma aram e rayag ni ngam gelgad. Nge mich u wun’med e n’en keyog e pi profet rok, ma aram e gimed ra gel.”

Psalms 62:8

Gimed pi girdi’eg, nge pagan’med ngak Got ni gubin ngiyal’. Mu weliyed ngak urngin e magfan’ romed, ya ir e manaf rodad.

Isaiah 7:9

Yu Israel e de gel ko fare binaw ni tochuch rok nu Samaria, ma yu Samaria e de gel ngak Pekah ni Pilung. “Fa’anra dabi muduwgil e michan’ romed, ma dab mmuduwgilgad.”

Matthew 14:29

Me fulweg Jesus ni ga’ar, “Moy!” Ma aram me chuw Peter u bowoch nge yan ngak Jesus u daken e ran.

Matthew 17:20

Me fulweg Jesus ngorad ni ga’ar, “Bochan e de gaman e michan’ romed. Mu ted fanmediyan ko re bugithin ni ba’aray! Fa’anra bay e michan’ romed ngak Got ni bod mam’ungun ba awochngin e mustard, mrayag ni nge lungumed ko re burey ney, ‘Mman u roy aram!’ mra yan. Ma demturug ban’en mrayag romed!”

Matthew 21:21

Me fulweg Jesus ni ga’ar, “Dab mpaged talin e re bugithin ni ba’aray! Fa’anra pagan’med nga gelngin Got nder maruwaran’med riy ma aram e rayag ni ngam rin’ed e n’en ni kug rin’ ko re ke gek’iy ney; gathi kemus ni biney, ku rayag ni nge lungumed ko re burey ney, ‘Mpuw ngalang ngam man mu aw nga maday,’ me rin’ ni aram rogon.

Mark 9:23

Me ga’ar Jesus ngak, “Ke lungum, fa’an rayag rom! Urngin ban’en mrayag rok be’ ni fa’an ra bay e michan’ rok.”

John 14:1

Me ga’ar Jesus ngorad, “Dabi magafan’med ma dabi wagagey lanin’med. Nge mich Got u wun’med, mu kug mich u wun’med.

Kolose 2:12

Ya fa’an ntawfe nagmed, ma aram e kan unegmed ngak Kristus kan k’eyagmed, ma tawfe ntay ngomed e ir e kun unegmed riy ngak Kristus ngan fasegmed ko yam’ u daken e michan’ romed nga gelngin Got ni be maruwel, ni Got ni ir e faseg Kristus ko yam’.

Titus 1:1

Re babyor ney e yib rok Paul, ni tapigpig rok Got, me ir reb e apostel rok Jesus Kristus. Ni turguyeg nga nol’igeg ni nggu ayuweg e pi’in ke mel’egrad Got ni ngar manged girdi’en nge mich Kristus u wun’rad, mu gu pow’iyrad ko tin nib riyul’ ni be fil e ba’ rodad e taliw,