Mark 10:39 - Bible Ni Thothup

³⁹ Miyow fulweg ngak ni lungurow, “Rayag romow.” Me ga’ar Jesus ngorow, “Ri bay mu unumew e n’en ni bay ko fare kap nthingar gu unum min tawfe nagmew ni bod rogon nthingar ntawfe nigeg.

Mark 10:39 Iomraidhean Croise

Matthew 10:25

Ere en ni yibe sukulnag e susun e nge fel’ u wan’ ni nge bod e en ni ir e be fil ban’en ngak, ma en nsib e nge fel’ u wan’ ni nge bod e en ni ir e masta rok. Fa’anra kan pining Beelzebul ngak e en ni ir e lolugen e tabinaw, ma urngin e girdi’ ko fare tabinaw ni bay ni pining boch e ngachal ngorad ni kab kireb ko biney!

Matthew 3:6

Miyad weliy e denen rorad me tawfe nagrad John u lan e lul’ ni Jordan.

Mark 14:31

Me fulweg Peter ni kari micheg ni be ga’ar, “Mus ni fa’anra nggu un ngom ko yam’, ma ri dab gog nda gu nangem!” Ma urngin pi gachalpen Jesus nrogned ni aram rogon.

Mark 14:36

Me meybil ni ga’ar, “Chitamag! Urngin ban’en mrayag rom. Mu chuweg e re kap ney rog. Machane gathi tin nib m’agan’ug ngay e ngam rin’, ya tin nib m’agan’um ngay e ngam rin’.”

John 13:37

Me fith Peter ni ga’ar, “Somol, mangfan ndabiyag ni nggu un ngom e chiney? Gu ra pi’ e pogofan rog ni fan ngom!”

John 15:20

Mu ted fanmediyan ko n’en ni kugog ngomed: Dariy reb e sib ni ba ga’ ngak e masta rok. Fa’anra kar gafgow niged gag, ma bay kur gafgow niged gimed; ma fa’anra kar folgad ko thin rog, ma bay kur folgad ko thin romed.

John 17:14

Kugog ngorad e thin rom ni mpi’ ngog ma ke fanenikayrad e girdi’ nu fayleng, ya gathi yad girdi’en e fayleng, ni bod gag ni gathi gag e girdi’ nu fayleng.

Acts 12:2

I yog ni ngan thang e fan rok James, ni walagen John nli’ ko saydon.

Kolose 1:24

Ere chiney e kug felfelan’ ko gafgow ni gu be tay ni fan ngomed. Ya gafgow ni be tay dowag e gu be ayuweg e tin kabay ni nge gafgow Kristus riy ni fan nga downgin, ni aram girdi’en e galesiya.

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.