Mark 10:33 - Bible Ni Thothup

³³ Me ga’ar Jesus ngorad, “Mu sapgad, gadad be yan nga Jerusalem ni ir e bay ni pi’ e en ni Fak e Girdi’ riy ngak e pi tolang ko prist, nge pi tamchib ko Motochiyel, ni yad e bay ra pufthin niged ngar turguyed ni ngan li’ ngem’, nge mu’ miyad pi’ nga pa’ e pi’in gathi yad piyu Israel.

Mark 10:33 Iomraidhean Croise

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Matthew 16:21

Ngiyal’ nem i yan ngam’on e yog Jesus ngak pi gachalpen nib tamilang ni ga’ar, “Thingar gu wan nga Jerusalem ngar ug gafgow rok e pi’in pi’ilal, nge pi tolang ko prist, nge pi tamchib ko Motochiyel. Bay nli’eg nggum’, ma chirofen nra man e dalip e rran ngay e bay ni fasegeg ko yam’.”

Matthew 26:66

Ere ke uw rogon u wun’med?” Miyad fulweg ni lungurad, “Ba kireb e rok, ere thingar nli’ ngem’.”

Matthew 27:2

Miyad yin’ e chen ngak miyad fek ngar pi’ed ngak Pilate, ni ir e am.

Mark 14:64

Kam rung’aged ko thin nike yog nib kireb, ya be n’ag fan Got. Ere uw rogon ni gimed be finey?” Mi yigo’o ra towalgad nib togopluw ngak ni be lungurad, “Ba kireb e rok, ere ngan li’ ngem’.”

Mark 15:1

Ma nap’an ni yigi kadbul me mu’ulung nib gur e pi tolang ko prist nge pi’in pi’ilal, nge pi tamchib ko Motochiyel nge urngin girdi’en e mu’ulung ngar puruy’gad. Miyad yin’ e chen ngak Jesus ngar feked i yan ngar pi’ed ngak Pilate.

Mark 8:31

Ma aram me tabab Jesus i weliy ngak pi gachalpen ni ga’ar, “En ni Fak e Girdi’ e thangri ga’ ba gafgow ni nge tay, ma pi’in pi’ilal, nge pi tolang ko prist, nge pi tamchib ko Motochiyel e bay ra n’iged. Ma bay nli’ ngem’, ma bayi pag dalip e rran min faseg ko yam’.”

Mark 9:12

Me fulweg Jesus ngorad ni ga’ar, “I Elijah e ir e ra yib nsom’on ni bochan e nge fal’eg rogon urngin ban’en nge tay. Machane mangfan ni be yog e babyor nib thothup ni en ni Fak e Girdi’ e bo’or e gafgow ni bay tay ma bay ndarifannag?

Mark 9:31

“En ni Fak e Girdi’ e bay ni pi’ nga pa’ e girdi’, ma bay ra li’ed ngem’; ma fa’an bay nli’ ngem’ ma dalip e rran nga tomuren min faseg ko yam’.”

Luke 23:21

Machane miyad fulweg ngak u fithik’ e tolul ni be lungurad, “Mu richibiy ko kuruth! Mu richibiy ko kuruth!”

Luke 9:22

me ul ul ngay ni ga’ar, “En ni Fak e Girdi’ e thangri ga’ ba gafgow ni nge tay, ma pi’in pi’ilal, nge pi tolang ko prist, nge pi tamchib ko Motochiyel e bay ra dabuyed. Ma bay nli’ ngem’, min faseg ko yam’ ko chirofen ni man e dalip ngay.”

John 18:28

Ri kab kadbul miyad fek Jesus u tafen Kaifas nga tafen e en ni ir e am. Ma de yan piyu Israel ngalan fare naun ntafen e am ni be’ u Roma, ya yad ba’adag ni ngar pired ni yad bbe’ech u yalen e Motochiyel rorad, ni bochan e nge yag nra uned i kay e ggan ko madnom ni Paluk’af.

John 18:32

Me yodoroy ni fan e nge yib i m’ug nib riyul’ e tin nike yog Jesus ko re ngiyal’ i n’en ni ba’aram ni fa’ani i weliy e mit i yam’ ni nge tay.)

John 19:11

Me fulweg Jesus ngak ni ga’ar, “Bay mat’wum ni ngam gagiyegnag e n’en ni ngan rin’ ngog ni bochan e Got e ke pi’ ngom. Ere cha’ ni ir e ke pi’eg nga pa’am e ri ka ba ga’ ba denen nike ngongliy.”

Acts 13:27

Ya girdi’ ni be par u Jerusalem, nge pi’in yad be yog e thin rorad, e da ur nanged ni ir fa’anem ni nge thapeg e girdi’ ngak Got, ma ku da ur nanged fan e thin rok e pi profet ni yima be’eg ngorad ni gubin e Sabbath. Machane kar riyul’niged e thin ni yog e pi profet ni bochan e ra turguyed ni ngan li’ Jesus ngem’.

Acts 20:22

Ma chiney e gu be yan nga Jerusalem, ni Kan Nthothup e kug fol rok, nda gu nang e n’en ni bay nrin’ ngog u rom.

James 5:6

Kam turguyed e gechig ko pi’in ndawor ra bucheged ban’en ma kam thanged e pogofan rorad, ma dar togopluwgad ngomed.