Mark 10:24 - Bible Ni Thothup

²⁴ Me gin pi gachalpen ko thin rok, machane miki ga’ar Jesus ngorad bayay, “Pifakag, rib mo’maw’ ni ngan un ko gagiyeg rok Got!

Mark 10:24 Iomraidhean Croise

Psalms 17:14

mu ayuwegneg u pa’ e pi’in nib yoor ban’en rograd ko biney e tamilang. Mu gechig nagrad ko pi gafgow ni ka mu cha’riy ni fan ngorad; mang e yugu ra gaman gad pifakrad riy miki aw boch ni fen pifak pifakrad!

Psalms 52:7

“Muguyew, ba’aray facha’ nda i naf ngak Got ni nge ayuweg, ya i pagan’ nga feni yo’or bogi ban’en rok, ma fel’ rogon rok e ke mang yoror rok.”

Psalms 62:10

Dabi pagan’med nga fanmed yargal; dabi l’agan’med ko n’en ni yibe iring; ma ku ra mun daken e fel’ rogon romed, ma dabi pagan’med ngay.

Proverbs 11:28

Pi’in yad be ta’ ko pin’en nike fel’ rogorad riy e yad ra mul ni bod yuwan e gek’iy ko autumn, machane pi’in mat’aw e yad ra mon’og ni bod yuwan e gek’iy ko summer.

Proverbs 18:11

Ma pi’in yo’or ban’en rorad e wun’rad e fel’ rogon rorad e ra yororiyrad ni bod ba yoror nib tolang ma ba gel u wuru’ bbinaw.

Proverbs 23:5

Ya salpiy rom e rayag ni nge mul u pa’am u lan ba talab, ni gowa yib pon nge changeg nge yan ni bod ba arche’ ni manuw.

Jeremiah 9:23

Be ga’ar SOMOL, “En nib gonop e dabi uf ko gonop rok, ma en nib yargel e dabi uf nga gelngin, ma en nib pire’ ban’en rok e dabi uf ko fel’ rogon rok.

Habakkuk 2:9

Bayi aw e gechig ngomed! Kam yo’or niged ban’en rok e girdi’ u tabinaw romed ko pin’en ni mfeked u fithik’ e yargal, ma kam guyed rogon ni ngi i par e tabinaw romed ndabi buch ban’en rok e girdi’ riy!

Zefaniah 1:18

Rofen nem e rra dag SOMOL gelngin e damumuw rok, ni mada’ nga urngin e silber nge gol rorad e dabyag ni nge aywegrad. Ga’ngin e fayleng ni bayi mogothgoth nga nifiyen e damumuw ni talyag rok. Ma bayi museg e yafos rok urngin e girdi’ nu fayleng nrib tomgin.

Matthew 19:25

Ma fa’ani rung’ag pi gachalpen e re bugithin nem mi ri yad gin ngay. Miyad fith ni lungurad, “Ere mini’ e rayag ni nge thap ngak Got?”

Mark 1:27

Mi yigo’o gin urngin e girdi’ ko n’en nike rin’ Jesus, miyad yog u fithik’rad ni lungurad, “Gur ren’ey e reb e machib nib be’ech? Cha’ney e bay mat’wun nrayag ni nge yog e n’en ni nge rin’ e mo’onyan’, miyad fol rok!”

Mark 10:23

Me chachangar Jesus rok pi gachalpen me ga’ar ngorad, “Rib mo’maw’ rok e pi’in pire’ ban’en rorad ni ngar uned ko gagiyeg rok Got!”

Luke 16:14

Me rung’ag e pi Farise urngin e pi thin ney, mu ur moninggad ngak Jesus, ya ba t’uf e salpiy rorad.

John 13:33

Pifakag, dabki n’uw nap’an mu gu pagmed. Bay um gayed gag; machane nggog ngomed e chiney e n’en ni kugog ngak piyu Israel ni fa’an ke lungug ngorad, ‘Dabiyag ni ngam marod ko gin ni bay gu wan ngay.’

John 21:5

Me ga’ar ngorad, “Pi cha’, kan koled ban’en fa dawor?” Miyad fulweg ni lungurad, “Dawor gu koled ban’en.”

John 6:60

Bo’or pi gachalpen ni rung’ag e re bugithin ney me lungurad, “Re machib ney e kayigi mo’maw’. Mini’ e ra motoyil ko tiney e thin?”

Galatia 4:19

Pifakag ni gimed ba t’uf rog ni gimed girdi’en Kristus! Ke gaman e l’agruw yay ko yaney ni kug bod be’ ni bpin ni nge gargel, ireray e mit i amith nike yib ngog ni bochmed, ni bayi par rog nge yan i mada’ ko ngiyal’ nra bigimed ma ke sum rarogon Kristus nga fithik’.

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

1 John 2:1

Kug yoloy e ren’ey ngomed, pifakag, ni fan e nge dab mu denengad; ma fa’anra chey ni denen be’, ma bay Jesus Kristus, ni be’ nib mat’aw, nma wenig nagdad ngak e en ni Chitamangiy.

1 John 4:4

Machane gimed, pifakag, e bmil famed ngak Got, ma kam gelgad ko fapi profet ni go’ bogi ban’en; ya fare Kan Nthothup ni bay u fithik’med e kab gel ngak fare kan ni bay u fithik’ e pi’in nib mil farad ngaray nga fayleng.

1 John 5:21

Pifakag, mpired u orel rok e tin nde riyul’ e got!

Revelation 3:17

Ya ke lungum u lanin’um, “Ke yo’or ban’en rog nike fel’ rogog, ya urngin e tin nge yag ngog e ke yag ngog.” Machane da mu nang gelngin e gafgow ni kam tay nge rogon yaam ni kari mu gafgow! Ya kam gafgow, ma dakuriy e mad u dakenam, ma kam malmit.