Mark 1:7 - Bible Ni Thothup

⁷ Me yog ko girdi’ ni ga’ar, “En ni bay yib u tomureg e ri ka ba ga’ ngog; ya gag e ri gub sobut’ ndab gu bung ni nggu lumel nga but’ nggu pithig togfan e sus rok.

Mark 1:7 Iomraidhean Croise

Matthew 3:11

I gag e gu be tawfe nagmed ko ran ni nge dag ni kam kolgad ngan’med kam pi’ed keru’med ko denen ni gimed be rin’; ma en ni bayi yib u tomureg e bayi tawfe nagmed ko fare Kan Nthothup nge nifiy. I ir e ri ka ba ga’ ngog; nri gub sobut’ ndab gu bung ni ngu’ug fek e sus rok.

Matthew 3:14

Machane me guy John rogon ni nge thiliyeg e leam rok Jesus. Me ga’ar John ngak, “Susun e gur e ngam tawfe nigeg, ma biney e gur e ka mub ngog ni nggu tawfe nigem!”

Mark 1:6

Ma ke yin’ John e mad nni ngongliy nga bunu’en e kamel, ma ke leed nga keru’ e gamanman; ma ggan rok e asmen’ing nge honey ni be pir’eg u fithik’ e pan.

Mark 1:8

I gag e gu be tawfe nagmed ko ran, machane ir e bayi tawfe nagmed ko fare Kan Nthothup.”

Luke 3:16

Me ga’ar John ngorad ni yad gubin, “I gag e gu be tawfe nagmed ko ran, machane be’ nri ka ba ga’ ngog e bay yib, ya gag e ri gub sobut’ ndab gu bung ni nggu pithig togfan e sus rok. Ir e bayi tawfe nagmed ko fare Kan Nthothup nge nifiy.

John 1:27

Ni ir e be yib u tomureg, machane ri gub sobut’ ndab gu bung ni nggu pithig togfan e sus rok.”

Acts 13:25

Ma nap’an nike chugur ni nge mu’nag John e maruwel nni pi’ ngak ni nge muruwliy, me ga’ar ngak e girdi’, ‘Gimed be finey me gag mini’? Ya gathi gag fa’anem ni gimed be sonnag. Machane mu sapgad! I ir e bay yib u tomureg, me gag e ri gub sobut’ ndab gu bung ni nggu luf e sus u ay.’

Acts 19:4

Me ga’ar Paul, “John e i tawfenag e pi’in kar paged e kireb ni yad be ngongliy; me ir e weliy ngak e girdi’ nu Israel ni nge mich u wun’rad e en ni bay yib u tomuren ni aram e Jesus e nge mich u wun’rad.”

1 Samuel 25:41

Me siro’ Abigail nge math peri’ nga daken e but’ me ga’ar, “I gag e tapigpig rok, ma kug fal’eg rogog ni ngug maluknag rifrifen ay e pi tapigpig rok.”