Mark 1:41 - Bible Ni Thothup

⁴¹ Me taganan’ Jesus ngak, me k’iyag pa’ nge math ngak me ga’ar, “Bm’agan’ug ngay, aram e ngam be’ech!”

Mark 1:41 Iomraidhean Croise

Genesis 1:3

Me non Got ni ga’ar, “Nge tamilang” — me tamilang.

Psalms 33:9

Ya nap’an ni non, me sum e fayleng; miki non, me yib i m’ug urngin ban’en.

Matthew 9:36

Ma fa’ani guy e pi girdi’ nem ni aram urngirad, me taganan’ ngorad, ya kar pired nike magafan’rad ndar nanged e n’en ni ngar rin’ed, ya yad bod e saf nde moy rorad e en nma gafaliyrad.

Mark 1:40

Me yib be’ nib daraw ngak Jesus ni be wenig ngak nike ragbug u p’eowchen ni be ga’ar ngak, “Fa’anra bm’agan’um ngay, mrayag rom ni ngam be’ech nigeg.”

Mark 1:42

Ma kachingiyal’ nem me chuw e daraw rok fa’anem nge gol.

Mark 4:39

Me suwon Jesus me non ko nifeng ni ga’ar, “Mmocha’!” Me ga’ar ngak e n’ew, “Mu gapas!” Me mocha’ e nifeng, me aw e cho’.

Mark 5:41

Me kol pa’ fachi pin me ga’ar ngak, “Talitha koum,” ni fan e re bugithin ney e, “Fachi pin! Be lungug ngom, mu suwon!”

Mark 6:34

Ma nap’an ni chuw Jesus u bowoch nge yan nga daken e binaw, me guy e girdi’ ni pire’ ni pire’, me ri taganan’ ngorad, ya yad bod e saf nde moy e en nma gafaliyrad rorad. Ma aram me tabab i machibnag bo’or ban’en ngorad.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Hebrews 2:17

Fan e re bugithin ney e nge yib i ngal’ ni bod pi walagen u urngin rarogorad, ni fan e nge yag ni mang e Prist ni Th’abi Ga rorad nma runguyrad ma ba yul’yul’ ko pigpig rok ngak Got ni fan e nge yag ni n’ag Got fan e denen rok e girdi’.

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.