Mark 1:2 - Bible Ni Thothup

² ni tabab ni bod rogon ni ba’aray ni yoloy Isaiah ni profet: “Ke ga’ar Got, ‘Ba’aray e mol’og rog, ni bay gu l’oeg nge m’on rom nge bing e kanawo’ rom.’

Mark 1:2 Iomraidhean Croise

Psalms 40:7

ere kug fulweg nike lungug, “Gub aray; tin kamog ni nggu rin e bay u lan e babyor ko Motochiyel rom.

Malaki 3:1

Fulweg rok SOMOL ni Gubin ma Rayag Rok ko re bugithin ney e be ga’ar, “Bay gu l’oeg ba tafek thin rog nge ngongliy rogon e kanawo’ rog. Ma aram e fare SOMOL ni gimed be changar nag e bay mu gin gad ma keyib ko Tempel rok. Fare tafek thin ni gimed be finey ni mang e yug mu guyed e bayi taw ni nge weliy murung’agen e m’ag rog.”

Matthew 11:10

John e ir fa’anem ni yog e babyor nib thothup murung’agen ni ga’ar, ‘I ga’ar Got, ba’aray e mol’og rog; bay gu l’oeg nge m’on rom nge bing e kanawo’ rom.’

Matthew 2:5

Miyad fulweg ngak ni lungurad, “U lan e binaw nu Bethlehem, ni bay u lan yu Judea. Ba’aray e tin ni yoloy e profet ni ga’ar:

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Matthew 26:31

Me ere ga’ar Jesus ngorad, “Neap’ ney e gimed gubin ni bay mmilgad ngam paged gag, ya ke ga’ar e babyor nib thothup, ‘Bayi li’ Got e en nma gafaliy e saf ngem’ ma bayi wear e saf.’

Luke 1:70

Ba’aray e n’en ni yog kakrom u l’ugun e pi profet rok nib thothup:

Luke 1:76

I gur, fakag, e bay nognem ni gur ba profet rok Got, ni Got ni Th’abi Tolang. Bay mm’on rok Somol ngam ngongliy e kanawo’ rok,

Luke 18:31

Me fek Jesus fare ragag nge l’agruw i gachalpen nga orel ko girdi’ me ga’ar ngorad, “Mu telmed! Gadad be yan nga Jerusalem, ni aram e urngin ban’en ni i yoloy e pi profet ni murung’agen e en ni Fak e Girdi’ e bay yib i m’ug riy nib riyul’.