Luke 9:59 - Bible Ni Thothup

⁵⁹ Me ga’ar ngak yugu reb e mo’on, “Mu un ngog.” Machane me ga’ar, “Somol, mu son, nga’ag wan gu k’eyag e chitamag.”

Luke 9:59 Iomraidhean Croise

1 Kings 19:20

Me pag Elisa fapi garbaw, me lol’oeg Elijah, me ga’ar, “Nggu wan gu faray owchen e chitamag nge chitinag nggu fingichiyrow, mu gub ngdarow.” Me ga’ar Elijah, “Mman ngamub. Ya dab gu talegem!”

Haggai 1:2

I ga’ar SOMOL ni Gubin ma Rayag Rok ngak Haggai, “Pi girdi’ ney e yad be yog ni gathi aray e ngiyal’ ni bfel’ ni ngan toy bayay fare Tempel.”

Matthew 16:24

Me ga’ar Jesus ngak pi gachalpen, “Fa’anra ba’adag be’ ni nge un ngog, ma thangri pag talin ir, nge fek e kuruth rok nge lekeg.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

Matthew 9:9

Me chuw Jesus u rom, ma nap’an ni be yan me guy be’ nib takunuy e tax, ni Matthew fithingan, nike par nga but’ u lan e ofis rok. Me ga’ar Jesus ngak, “Mu lekeg.” Me sak’iy Matthew nge lek Jesus.

Luke 9:60

Me fulweg Jesus ni ga’ar, “Mpag e pi’in yad ba yam’ ngar k’eyged e yam’ rorad. I gur e mman ngam machibnag ngak e girdi’ murung’agen e gagiyeg rok Got.”