Luke 8:6 - Bible Ni Thothup

⁶ Ma boch e wear nga daken bochi thal i but’ ni bay u daken e war, ma fa’ani tugul me mororoy, ya dariy e ran u fithik’ fachi thal i but’.

Luke 8:6 Iomraidhean Croise

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Ezekiel 11:19

Ma bay gu pi’ ngorad reb e gumircha’ nge reb e tafnay nib be’ech. Mu gu chuweg gumircha’rad ni gelan’ nggu pi’ ngorad ba gumircha’ nma fol.

Ezekiel 36:26

Bay gu pi’ ba gumircha’ nib be’ech ngomed nge reb e leam nib be’ech. Bay gu chuweg gumircha’med ni bod feni el e malang mu gu pi’ ngomed ba gumircha’ nma fol.

Amos 6:12

Gur ma titimo’og e os u daken e war? Gur bay be’ nma gi’ e garbaw rok e day? Machane kam pingeged e tin nib yal’uw ke ngal’ ni yub, ma kam pingeged e tin nib mat’aw ko kireb.

Luke 8:13

Ma awoch ni wear nga daken bochi thal i but’ ni bay u daken e war e be yip’ fan e pi’in nrung’aged e re thin rok Got nem miyad fol riy ni kar felfelan’gad. Machane ri de rich nga fithik’ i lanin’rad; ma de n’uw nap’an ni ur pired nib mich u wun’rad e re thin nem, ma fa’ani yib ngorad e pin’en nma pingegey ngan denen ma dakur folgad ko fapi thin.

Luke 8:5

“Be’ nib mo’on e yan ni nge wereg awochngin e woldug rok. Ma nap’an ni be wereg fapi awoch u daken e milay’, me wear boch nga daken marichlen wo’en e girdi’ u milay’, mu u nit’ ma be kay e arche’.

Luke 8:7

Ma boch fapi awoch e wear nga fithik’ e pan ni bay rachangalen, me tugul fapi awoch nge fapi pan u ta’bang me yabochboch fapi pan ko fapi woldug me yim’ fapi woldug.

Hebrews 3:15

Ba’aray e tin ni be yog e babyor nib thothup ni be ga’ar: “Fa’anra mu rung’aged laman Got e daba’, ma dab mu gel niged lanin’med ni bod rogon pi chitamangimed ni kakrom ko fa ngiyal’nem nra togopluwgad ngak Got.”