Luke 8:47 - Bible Ni Thothup

⁴⁷ Me nang fare pin ni kan pir’eg e n’en nike rin’, ma aram me yib ni be t’on nge yib i paraw nga but’ u to’oben i ay Jesus. Me weliy ngak u p’eowchen urngin e girdi’ fan nike math ngak nge rogon nike chuw e liliy rok ni ka chingiyal’ nem.

Luke 8:47 Iomraidhean Croise

Psalms 2:11

Mu pigpiggad ngak SOMOL u fithik’ e marus; mu t’on gad,

Psalms 38:9

A Somol, ga manang e n’en ni kugum’ ni bochan; ga be rung’ag gubin e gel’gel’ rog.

Psalms 66:16

Mired ngam motoyilgad, gimed urngin e pi’in gimed ma liyor ngak Got, ma bay gog ngomed e tin ke rin’ ni fan ngog.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Hosea 13:1

Kakrom e ra non fare ganong rok Efraim me rus urngin e ganong nu Israel, ya yad ma tayfan fare ganong rok Efraim. Machane miyad denen ni bochan e ur tedfan Baal, ma aram fan ni bay ram’ad.

Hosea 5:3

Gu manang salpen Israel, dabiyag ni nge mithag rog. Be par nder yul’yul’ ngog, ma tirok e girdi’ e daki bung ni ngar meybilgad ngog.”

Habakkuk 3:16

Gu rung’ag e pin’ey ni gubin, mu gu t’on; me da’da’ dap’il’ugunag ko marus. Me m’ay yileg, me m’ing e bug u eg. Bay gu sonnag u fithik’ e gumaen’ e ngiyal’ ni bayi taw ngay me gechignag Got e pi’in kar maelgad ngomad.

Matthew 28:8

Ma aram miyow gurgur ngar chuwgow ko fare low ni kar tamdaggow, machane kar felfelan’gow, miyow mil ngranow rognew ngak pi gachalpen.

Mark 5:33

Me thamiy fare pin rok nike gol; me yib ni be da’da’ ko marus, me paraw nga but’ u to’oben i ay Jesus me weliy salpen ngak nge n’en ke rin’ ma ke gol.

Luke 8:46

Machane me ga’ar Jesus, “Ke math be’ ngog, ya kug nang ko ngiyal’ ni yan gelngig riy nga wuru’ i dowag.”

Luke 8:48

Me ga’ar Jesus ngak, “Fakag, michan’ rom ngak Got e ke gol nigem. Mman nike pagan’um.”

Acts 16:29

Me pong fa en ni pilungen e kalbus ni nga ni fek e nifiy i yan ngak, me yan ngalan e kalbus ni be mil, me yan i pag ir nga but’ u to’oben ay Paul nge Silas ni be da’da’.

1 Korinth 2:3

Ere fa ngiyal’nem ni gub ngomed e gub me’waer ma gu da’da’ nreb ko marus,

2 Korinth 7:15

Ri gimed ba t’uf rok ya ka manang rogon ni gimed gubin ma mpired ni kam fal’eged rogomed ni ngam folgad ko tin ni yog, nge rogon ni yib ngomed mi gimed t’ufeg u fithik’ e tamdag nge marus.

Filippi 2:12

Ere pi tafager rog, um moyed ni gubin ngiyal’ ni gimed be fol rog ko ngiyal’ ni ug moy romed, me ere chiney nda kug moy romed e ri ba ga’ fan ni ngam folgad rog. Um ngongolgad ni bay madgun Got u wun’med mu um t’on gad ko marus nge mada’ ko ngiyal’ ni kam marod ngak Got,

Hebrews 12:28

Ere ngad pininged e magaer ngak Got u lanin’dad ni fan e ke yag ngodad e gagiyeg rok Got ndabiyag ni nge rur. Ere ngad pininged e magaer ngak Got ma gadad liyor nge meybil ngak u fithik’ e tayfan nge mudugdag nrogon kanawo’en nra m’agan’ ngay;

1 Samuel 16:4

Me rin’ Samuel e tin keyog SOMOL ngak ni nge rin’ me yan nga Bethlehem, me yib e pi’in yad ma yog e thin ko fare binaw ni yad be t’on ko marus, miyad fith ngak ni lungurad, “Re wub ney ni ka mu tay, gapas e ka mubnag?”