Luke 8:43 - Bible Ni Thothup

⁴³ Ma bay be’ ni bpin u rom nib gel e gafgow ni be tay, ya nga ragag nge l’agruw e duw nib m’ar nib molul; ke pi’ urngin e salpiy rok ngak e pi togta, ma dariy bagayad ni keyag rok ni nge golnag.

Luke 8:43 Iomraidhean Croise

2 Kronicles 16:12

U lan e re duw ni gaman e guyey nge mereb nike pilung Asa, me mugutgut u bmar’ ni yib nga rifrifen ay; machane yug’ aram rogon made sap ngak SOMOL nge ning e ayuw ngak, me yan ko togta.

BABYOR NI JOB 13:4

Gimed be upunguy fanamed minan’ ko mululufith l’ugun romed’; gimed bod e togta ni dabiyag ni nge golnag be’.

Psalms 108:12

Mu ayuwegmad u pa’ e to’ogor romad; ya ayuw ko girdi’ e bm’ayfan.

Isaiah 2:22

Dab mu tay e pagan’ rom nga daken e girdi’ nra yim’. Mang e yad bfel’ ngay?

Mark 12:44

Ya yad e kar pi’ed e salpiy ni kar feked ko salpiy ni bay rorad ni pire’; mi ir e aram feni gafgow ma ke pi’ urngin e chi salpiy ni bay rok, ni ir e nge abich riy.”

Mark 9:18

Demturug e gin nra yib riy ngak me aw nga but’, ni be yib e wuth u l’ugun, ma be wochar’iy nguwelen nike margey. Me ere kug wenig ngak e pi cha’ney ni gachalpem ni ngar tulufed e re mo’onyan’ ney nge chuw rok, ma de yag rorad.”

Luke 13:11

ma immoy be’ ni bpin u rom nike ying ba mo’onyan’ ngak, ke tay nib m’ar ni nga ragag nge meruk e duw; ni kan buguy ngam’on ndabiyag ni nge k’iyag ir ngalang.

Luke 13:16

Me ere chiney e ba’aray be’ aray ni ir be’ ni owchen Abraham ni nga ragag nge meruk e duw nike m’ag Satan ke tay; ere yira pithig e m’ag rok ko chirofen ni Sabbath fa danga’?”

Luke 8:27

Ma fa’ani af Jesus nga talang, me yib be’ nib mo’on ngak ni yib u lan e binaw nike ying e mo’onyan’ ni pire’ ngak. Nike n’uw nap’an ni be par ndariy e mad u daken, ma der par u tabinaw rok, ya ma par u lan e yiy ni yima chibgiliy e yam’ riy.

Luke 8:42

ya bochi pin ni fak ni kari maagirag rok, ni ragag nge l’agruw e duw yangren e be n’en ni nge yim’. Ma nap’an ni un Jesus ngak ngranow, ma be apinpin e girdi’ ngak u gubin yang.

Luke 8:44

Me yib u fithik’ e girdi’ u keru’ Jesus me yib i math nga taban e mad rok u but’, me tal racha’en ni ka chingiyal’ nem.

John 9:1

Ma nap’an ni be yan Jesus me guy be’ nib mo’on nni gargeleg ma bmalmit.

John 9:21

Machane da gu nangew e n’en ke rin’ ma keyag ni nge guy ban’en e chiney, ma da gu nangew e en ke chuweg e malmit rok. Ere mfithed; ya ke ilal, nrayag ni nge fulweg lungumed!”

Acts 3:2

Ma bay be’ nib mo’on nni gargeleg ma bmugutgut, nike par nga but’ ko re garog nem ni kan tunguy e “Garog ni Bfel’ Yaan” ngay. Gubin e rran ni yima fek i yib ko re garog nem nga nib ntay ngi i man salpiy ngak e girdi’ ni be yan ngalan e Tempel.

Acts 4:22

Ma re mo’on ni ba’aram nni golnag e ke pag aningeg i ragag e duw yangren, ni rogon nni golnag e reb e maang’ang.