Luke 8:37 - Bible Ni Thothup

³⁷ Ma urngin fapi girdi’ ko gi nug nem nra mu’ulunggad ngar weniggad ngak Jesus ni nge yan nge chuw u rom, ya yad gubin nike yib e tamdag ngorad nib gel. Ma aram me af Jesus ngalan fare bowoch nge yan.

Luke 8:37 Iomraidhean Croise

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

Matthew 8:34

Ma aram e gubin e girdi’ ko re binaw nem nranod nga wuru’ e binaw ni ngar mada’gad Jesus; ma fa’anra guyed miyad wenig ngak ni nge chuw ko nug rorad.

Mark 5:17

Ma aram miyad wenig ngak Jesus ni nge chuw ko nug rorad.

Luke 10:16

Me ga’ar ngak pi gachalpen, “En nra motoyil ngomed, e ke motoyil ngog; ma en nra dabuymed e ke dabuyeg; ma en nra dabuyeg e ke dabuy e cha’ ni ir e ke l’oegeg ku gub.”

Luke 5:8

Ma fa’ani guy Peter e pi nig nem ni aram urngin, me ragbug nga but’ u p’eowchen Jesus me ga’ar, “Somol, mman ngam chuw rog, ya gag be’ ni gub tadenen!”

Luke 8:28

Ma fa’ani guy fare mo’on Jesus me tolul ni ba ga’ laman, me paraw nga but’ u p’eowchen Jesus me non ni ba ga’ laman ni ga’ar, “Jesus, ni Fak Got ni Th’abi Tolang! Mang e ga be finey ni ngam rin’ ngog? Wenig ngom, dab mu gechig nigeg!”

Luke 8:36

Ma pi’in nra guyed e ren’em e ra weliyed ngak e girdi’ rogon ma ke gol fa’anem.

Luke 8:38

Ma fare mo’on ni fa’an kechuw fapi mo’onyan’ rok e wenig ngak Jesus ni ga’ar, “Nggu un ngom.” Machane me yog Jesus ngak ni nge yan, ni ga’ar,

Luke 9:5

ma re binaw ndabun e girdi’ riy ni kam marod ngay, e ngam chuwgad riy mi gimed rurug e rifrif u aymed nge chuw e fiyath riy, ni aram e gimed be dag ngorad nib kireb e tin ni kar rin’ed.”

Luke 9:56

Ma aram miyad yan nga yugu reb e binaw.

Acts 16:39

Ma aram marbad ra weniggad ngorow; miyad fekrow nga wuru’ e kalbus miyad wenig ngorow ni ngranow ngar chuwgow u lan e re binaw nem.

Deuteronomy 5:25

Ere mang ni thingar darod u thathren e riya’ bayay? Re nifiy nem nib gel e ra thangdad. Rib muduwgil ni gadad ra yim’ ni fa’anra ngkud rung’aged laman SOMOL ni Got rodad bayay.

1 Samuel 6:20

Ma aram me ga’ar e pumo’on nu Beth Shemesh, “I mini’ e rayag rok ni nge par u p’eowchen SOMOL nre Got ney nib thothup me par ndabi buch ban’en rok? U uw e ngad pi’ed nge yan ngay nge chuw rodad?”