Luke 6:39 - Bible Ni Thothup

³⁹ Me yog Jesus ngorad e re fanathin ni ba’aray ni ga’ar, “Be’ nib malmit e dabiyag ni nge pow’iy reb e malmit; ya fa’anra rin’, ma yow l’agruw ni yow ra mul ngalan wol’ e ran.

Luke 6:39 Iomraidhean Croise

Isaiah 56:10

I ga’ar, “Gubin e tayugang’ ni susun e yad e ngu’ur ginanged e girdi’ rog e yad bma’ew! Dariy ban’en ni yad manang. Yad bod e pilis ni matnag ndar tolul yad ma molmol u but’ i yan ngu’ur lik’aygad, ya ri yad ba’adag e mol!

Isaiah 9:16

Pi’in yad ma pow’iy e pi girdi’ ney e yad be ban nagrad ka ra olobochiyed yad.

Jeremiah 6:15

Gur ur tamra’gad ko pin’ey ni ur ngongliyed nib sonogor? Rri dangay, buchu’uw e tamra’ ma dariy; ku der nanged rogon ni ngar owatgad. Are ri yad ra thay ni bod nike thay boch e girdi’; nap’an gu ra gechig nagrad, ma aram tomuren e yafos rorad. I Gag SOMOL e gu be non.”

Jeremiah 8:12

Girdi’ rog, gur, um tamra’gad ni bochan e pin’ey nib sosongor ni um ngongliyed? Dangay, damnanged e tamra’! Ere bay mu thaygad ni bod nike thay boch e girdi’; ngiyal’ ni gu ra gechig nagmed, ma aram e tomuren e yafos romed. I Gag SOMOL e gu be non.

Matthew 13:3

Mi i weliy bo’or ban’en ngorad u fithik’ e fanathin ni ga’ar: “Be’ nib mo’on e yan ni nge wereg awochngin e woldug.

Matthew 15:14

“Mpaged yad! Ya yad be pow’iy e girdi’ ma yad bmalmit; ma fa’anra kol reb e malmit pa’ reb e malmit ngi i pow’iy i yan, ma yow l’agruw ni yow ra mul nga wuru’ e kanawo’ ngalan wol’ e ran.”

Matthew 23:33

Gimed e porchoyog nge pi’in pifak e porchoyog! Uw rogon ni gimed be finey ni ngam thaygad ko gechig ni bay ntay ngomed u fithik’ e nifiy?

Roma 2:19

ma gabe finey ni gur e ga be pow’iy e pi’in yad bmalmit, me gur e tamilang ngak e pi’in yad be par u fithik’ e lumor,

2 Timothy 3:13

machane girdi’ nib kireb nge pi’in yad be dake girdi’en Kristus e bayi gel farad kireb ngu’ur ban niged boch e girdi’ ma yibe ban nagrad.