Luke 6:33 - Bible Ni Thothup

³³ Ma fa’anra kemus ni pi’in yad ma rin’ e tin ni bfel’ ngomed e ngam rin’ed e tin ni bfel’ ngorad, me ere mang ni gimed be finey nra fal’eg Got wa’athmed riy? Ya mus ngak e pi’in nib tadenen ma yad ma rin’ ni errogon!

Luke 6:33 Iomraidhean Croise

Proverbs 22:16

Fa’anra u mu fal’eg e tow’ath rok e girdi’ nib yo’or ban’en rorad ara mu gafgownag e pi’in gafgow ya nge yo’or ban’en rom, me gur e ra m’ay ban’en rom.

Isaiah 32:8

Machane be’ nib yul’yul’ e be ngongol u fithik’ e yul’yul’ ma be tay ir ko tin nib mat’aw.

Luke 6:32

“Fa’anra kemus ni girdi’ ni gimed ba t’uf rorad e yad ba t’uf romed, ma mang ni gimed be finey nra fal’eg Got wa’athmed riy? Ya mus ngak e pi’in yad ba tadenen ma ba t’uf rorad e pi’in yad ba t’uf rorad!

Luke 6:34

Fa’anra yib be’ i ning ban’en ngak bigimed ni nge maruwel ngay nge mu’ me fulweg, me pi’ ngak ni bochan e manang nra fulweg fa’anem ngak, me ere mang ni gimed be finey nra fal’eg Got wa’athmed riy? Mus ko pi’in ntadenen ma yad ma pi’ ban’en ngak e pi’in ntadenen ni fan e yad manang ni rogon oren e tin nra pi’ed e aram urngin e tin ni bay ni fulweg ngorad!

1 Timothy 6:18

Mog ngorad ngar ngongliyed e tin ni bfel’, ma ngongol ni bfel’ e nge yo’or ni ngar ngongliyed, ma ngar golgad ni nge m’agan’rad ngay ni ngar pi’ed boch e tin bay rorad ban’en ngak boch e girdi’.