Luke 6:21 - Bible Ni Thothup

²¹ “Ngam felan’gad e pi’in gimed be yim’ ko bilig e chiney; ya bay mu fosgad! “Ngam felan’gad e pi’in gimed be yor e chiney, ya bay um minmingad!

Luke 6:21 Iomraidhean Croise

Genesis 17:17

Me ragbug Abraham me yip’ owchen nga but’, machane me minmin ya fa’ani leamnag me ga’ar u wan’, “Gur ku rayag ni nge fakay be’ nib mo’on nike gaman 100 e duw yangren bbitir? Gur ku rayag ni nge gargeleg Sarah bbitir ni aram rogon nike mereb i ragag e duw yangren?”

Genesis 21:6

Me ga’ar Sarah, “Ke pi’ Got e felfelan’ ngog nge minmin. Urngin e girdi’ ni yad ra rung’ag murung’agen e yad ra un ngog ko minmin.”

Psalms 107:9

Ma chuweg e belel rok e pi’in karm’ad ko belel, ma pi’in karm’ad ko bilig e ma pi’ ngorad e tin ni bfel’ ngar fosgad.

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Psalms 17:15

Machane gag, e gu ra guy owchem, ni bochan e kug yal’uw; ma nap’an ni gu ra od, ma ga bay, ni gin gabay riy e ra sugyeg ko felfelan’.

Psalms 28:7

SOMOL e ayuw rog ma yoror rog; ma ir e ba pagan’ug ngak. Ma pi’ e ayuw nge felfelan’ ngog; gu ma pining e sorok ngak ko tang ni felfelan’.

Psalms 65:4

Ba felan’ e pi’in ni kam mel’egrad, ni kam fekrad ni ngar pired u lan e naun rom nib thothup! Bayi gaman u wun’mad e pin’en ni bfel’ ni bay ko naun rom, ni aram fare Tempel rom nib thothup!

Isaiah 25:6

U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Isaiah 66:10

Ngam uned ngak Jerusalem ko felfelan’; nge fel’anmed ngak, gimed gubin e pi’in nib t’uf e re binaw ney romed! Ngam uned ngak ko felan’ e chiney, gimed gubin e pi’in ku’um yor niged.

Jeremiah 13:17

Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Jeremiah 31:25

Bay gu pasignag laniyan’ e pi’in ke aw porowrad, ma pi’in kar waer gad ni bochan e bilig e bay gu chum’er nagrad ko ggan.

Jeremiah 31:9

Girdi’ rog e bay ra sulod ni yad be yor, bay gu fekrad i yib ni yad be meybil. Bay gu pow’iyrad nga yu pa’ i lul’, mu gu fekrad u daken ba pa’ i kanawo’ nib pach ndabi tun ayrad riy. Gu bod ba matam ngak piyu Israel, ni Efraim e ir e bin nganni’ e pumo’on ni fakag.”

Jeremiah 9:1

Gu be finey ni gomang e lolgeg e ba luwed ko ran, ma lan owcheg e ba athang’el ko lu’, ya nge yag ni gu yor ni rran nge nep’ ni bochan e girdi’ rog ni kan thang e pogofan rorad.

Ezekiel 7:16

Bochi yad e bayi mil nga burey nike rus ni bod e arche’ ni dove ni kan og ngorad u loway. Yad gubin ni bay ur mongad ni bochan e denen rorad.

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Matthew 5:4

“Nge felan’ e pi’in be kireban’rad, ya ra fal’eg Got lanin’rad!

Matthew 5:6

“Nge felan’ e pi’in karm’ad ngan’rad ni tin ba m’agan’ Got ngay nib mat’aw e nge rin’ e girdi’, ya Got e ra chum’er nagrad ko tin urfineyed!

Luke 1:53

Ke pi’ e tin ni bfel’ ban’en ngak e pi’in yad be yim’ ko bilig, ma ke pag e pi’in pire’ ban’en rorad karanod ndariy ban’en u pa’rad.

Luke 6:20

Me sap Jesus ngak pi gachalpen me ga’ar ngorad: “Ngam felan’gad e pi’in gimed ba gafgow, ya gin nsuwon Got e tafenmed!

Luke 6:22

“Ngam felan’gad ko ngiyal’ nra fanenikaymed e girdi’ riy, ngar chuweged gimed u fithik’rad, miyad yog e thin nib kireb ngomed, miyad yog ni gimed ba kireb, ni bochan e en ni Fak e Girdi’!

Luke 6:25

“Kam gafgowgad e pi’in gimed be fos e chiney; ya bay mm’ad ko bilig! “Kam gafgowgad e pi’in gimed be minmin e chiney; ya bayi kireban’med ngu’um yorgad!

John 11:35

Me yor Jesus.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

John 6:35

Me yog Jesus ngorad ni ga’ar, “I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

1 Korinth 4:11

Ke yan i mada’ ko re awa ney ma gamad be yim’ ko bilig nge belel; ma gamad be yin’ e mad nib mogchoth; yibe li’mad; ma gamad be milekag i yan;

2 Korinth 11:27

Ma kug maruwel nib gel e maruwel ni kug tay; oren ngiyal’ e dariy e mol; ma gu be yim’ ko bilig nge belel; ma ke yo’or yay ni kug gafgow ko ggan, nge naun, nge mad.

2 Korinth 12:10

Bfel’ u wun’ug e me’waer, nge thin nib kireb ni nganog ngog, nge tin nib mo’maw’, nge gafgow ni yibe tay ngog, nge tin nib mo’maw’ ban’en ni gu be mada’nag ni fan ngak Kristus. Ya ngiyal’ ni gub me’waer, aram e ngiyal’ ni gub gel.

2 Korinth 6:10

kan kirebnag an’mad, ma gubin ngiyal’ nib felan’mad; gowa ri gamad ba gafgow, machane bo’or e girdi’ ni kug fal’eged rogorad; gowa dariy ban’en romad, machane riyul’ ni urngin ban’en ni bay romad.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

Revelation 21:3

Mu gu rung’ag ba lam ni ba ga’ ni be non u tagil’ Got ni be ga’ar, “Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad.

Revelation 7:16

Gathi bay ki yib e bilig ara belel ngorad bi’id; ma dab kur m’ad nga gowelngin e yal’ ara gowelngin ban’en;